雖然類似海洋公園，
不過 Adventure World 明顯數量取勝，
而且訓練員又識帶動氣氛，
真係高班好多....
返到嚟至發覺自己掛住睇表演，一張相都冇影....
之後又去咗睇熊貓，
都係相片欠奉，
但係我可以報告，
個人覺得梗係精神生猛過海洋公園長眠、烏眉瞌睡果幾隻啦，
不過比起長隆果幾隻仲爭少少
遊園臨近尾聲，
我哋最後到咗海獸館....
太近....有衝動想摸吓 D 企鵝....
臨走至識得拎部相機出嚟影相...
行返近入口處，有地方影全家福
見到有地方賣紀念品又行吓
Adventure World 真係好好玩，人流唔多玩得開心 D...
可惜時間唔夠，希望有機會再嚟....再見啦 Adventure World
我哋喺買 package 時已經訂咗6點幾鐘指定席，
去到車站發覺仲有成個鐘，
好彩有吉位可以換票，
由於車程遠，返到民宿已經天黑....
我哋擺低行李就出外覓食，
喺天神橋六丁目商店街經過一間饅魚店，
Bryan 話要響呢度食，
當我望吓價錢牌，
一碟鏝魚飯要成 1800 円
我就同 Bryan 講話行多兩條街至決定....
最後冇乜選擇都係返轉頭
點知間饅魚店已經收緊鋪，
我問個老闆娘外賣便當得唔得?
老闆娘考慮片刻話可以...
於是我哋就喺民宿享用我哋晚餐....
結論係貴得嚟又真係幾好食
【DAY 6 完】
沒有留言:
張貼留言