世界最大現役古帆船Sedov號 -- 望船興嘆

世界最大現役古帆船Sedov號訪港，

好想參觀的說，

可惜 Bryan 要上補習班，

到海運時已經派晒參觀門券了，

講真係意料中事，所以未算失望，

隔山打牛影吓相留念算 lu~








之後同 Bryan 堂家姐會合，

去蘭芳園食個下午茶，然後再逛下商場...

THE ONE 新春佈置原來係咁，幾靚喎~

人日‧醒獅賀歲

同 Bryan 喺屋企附近閒逛，

聽到鑼鼓齊鳴，

以為係醒獅，

點知原來係舞龍。

難得一見，同 Bryan 齊追，

諗住開開眼界....

可惜要遵守交通規則，

追到時條金龍啱啱入咗商場，仲係完結果隻...


不過有得企埋去影，都唔錯



行去另一個小商場，竟然有醒獅表演




企喺我哋隔離阿禪好激動，不停拍手掌

不過又真係幾好睇, hehe


觀眾都好滿意，紛紛塞D 利是落醒獅個口度

醒獅逗利是，唔知點解令我諗起倫伯 & 克勤....

Bryan 都比咗封利是 (指定要比紅色醒獅) 討個意頭


是日係我生日，同時係人日，即係人人都生日，

好彩當晚餐日本料理都係老婆大人找數

返到屋企，喺我埋首電腦之際，

Bryan 邊唱生日歌邊捧個蛋糕出嚟，

雖然唱得好難聽，但係就令我感動不已.....

老婆、囝囝.... I LOVE YOU  




隔日，去伯伯家又見到醒獅，

呢次係藍/白色~~

去龍鼓灘拜年

Bryan 期待已久，

就係去姨仔屋企住番晚，

話可以同兩個表姐玩遊戲玩通頂。

早前姨仔知道工人會放大假返鄉下，

應承代湊兩日，Bryan 開心到彈起

其實我已經請咗大假，不過 Bryan 話寧願比姨姨湊

要將Bryan 順利移交，

我哋就順勢去龍鼓灘姨姨家拜年 ~

兩個姨甥女一盡地主之誼，

話帶我哋行皇帝巖

途經呢個私家地方，屋主用鐵管搭成短橋，

可以考驗吓小朋友膽色


跟住行百幾級樓梯，

好攞命之下到達目的地







最後踏上歸途時，遇上醉人日落.....

下次要帶大機嚟至得




【完】

祝大家新春大吉、萬事勝意

今年比 Bryan 自己揀利是封，

佢話可惜冇高達利是封，

唯有退其次，搵鬆馳熊


連封口貼紙都係自己揀埋，收到零舍開心~


正經啲影多張啦


影呢幾張相等咗唔少時間，

有兩個印印搔首弄姿拍寫真....


Bryan，同媽咪拜個年啦....乖~


Bryan 再祝大家心想事成，龍馬精神

讀書郎

工人姐姐放大假返鄉下，

我都要放假湊 Bryan，

送返學時順便影幾張學生相留念....

執相時... 感覺好似好耐冇同個囝影相