返到博多4點未到,見到姨甥仔嘅女友頗有倦意,
就提議今晚食烤牛肉嘅頭輪 (5:30 p.m.),
食完就兩個後生早啲返去休息,我哋老鬼繼續睄下街,
喺博多城行咗一陣,我自告奮勇去多牛攞枱先,
叫佢哋準時5:30 p.m.多牛等,
點知我早人哋都早,輪候冊上已有唔少人寫名留位,
我點點人數,自忖頭輪都可以入到座
可惜團友唔生性遲到,原來某團友唔見咗張JR PASS,
我估計係呢張JR PASS同我哋往時用開果隻唔同,
以前張PASS係貼喺硬卡上經人手通道過嘅,
而家呢張就可以直插入閘機過,
懷疑團友連同劃位果張飛丟咗,
結果成班人幫佢搵咗幾個字 (係搵唔到),
我哋因為人唔齊要比人入座先,跟住要等個幾鐘😣
多牛係Tabelog高分店,我之前幫襯過覺得正所以翻兜
用炭爐,正
個人覺得,除咗雞同西冷稍遜之外,其他都very骨
我哋點單果陣,唔知邊樣打邊樣,
又唔知一份嘅份量有幾多,就亂咁叫,
結果搞到個妹妹皺晒眉頭,建議我哋叫嘅份量減半,
唔係恐怕食唔晒😄
結果佢又啱,清晒枱個個又飽肚
呢餐7個人,23000円找數,抵到震😊
有機會再嚟博多,我會再翻兜多一次
註: 油煙真係比較勁,愛潔女士三思
焼肉多牛博多駅店
地址:福岡県福岡市博多区博多駅南1-5-3 西園ビル
電話:092-483-0329
營業時間:17:30~23:00(L.O.22:30)
【DAY 2 完】
第二班列車就載到我哋,
好快就去到鳥栖,
去到鳥栖站轉一程巴士就嚟到鳥栖Premium Outlets
食飽飽至去戰鬥,不過呢度選擇偏少,亦欠名店座鎮
巡咗一個圈,都係揀番上一次嚟呢度食嘅漢堡包
老婆就食呢樣
對我嚟講,間間outlets嘅格局、賣嘅嘢都差不多,
反正我都係逛幾間運動名牌
最後各團友都放咗啲血,
我都買咗個Adidas背囊比阿仔當書包用
正如之前所講,我放棄返去睇佐賀氣球節夜間系留,
同團友一齊離開返博多
睇完氣球升空,
返返去對面搵團友
周圍逛下,等下一環節 - Balloon Fantasia
原來今年氣球節踏入40周年
09:00~10:30 Balloon Fantasia
有卡通造型嘅氣球登場,
今年有新加入嘅得意造型氣球,
其中最受歡迎、亦都係最吸引我嘅就係佢 - Minions
睇下其他
呢個氣球比人觸摸,我都唔執輸,摸兩嘢先
見人裝下入面,我又點會蝕卓呢,原來係咁嘅...
呢個小八爪魚係有個伯伯好似放紙鳶咁放上空的
呢隻熊係台灣作品,好多台灣人湧去影
你已經死了!!! (今年新加入嘅北斗之拳,可惜唔係咁靚)
因為愈來愈多人,唔多想逗留,較腳去第二度
嘩,走嘅人都唔少
候車人龍打晒蛇餅
我哋接住會去OUTLET,
原先計劃佢哋OUTLET可以逛到飽為止,又或者返博多shopping,
我就返轉頭影夜間系留,
但見到呢個排隊盛況,登時打退堂鼓
【DAY 2】
呢日係3/11,氣球節係至4/11,我哋plan行程預多一日,
萬一因大風而氣球取消升空有多一日走盞。
官網會通知會唔會如期升空,但好似係朝早6點半至公布,
所以對我哋來講冇用,
因為我哋係坐朝早特別加開嘅特急列車,
5:04am 由博多開出,臨時車站バルーンさが落,
太早關係,大家要等車站開門
雖然都幾多人,照計坐唔滿部列車,
不過大家係買pass的話都劃定位先啦
食早餐先
唔使9個字就到站,天仍然未光
原來咁早已經有嘢食買
我同團友們講,我會過對岸影倒影,
要行5個字起碼,提議佢哋留喺度睇,到時可以分享番兩邊嘅相,
團友們話要去咁遠,去下廁所先,
咁我話我先過對岸霸位....
結果成班友放飛機,留喺原位睇😕
過對岸就係一直行,見到有橋跟住過對岸就係,
沿途都有好多人係咁行,跟住人行就係。
過到去岸邊已經企滿
因為冇頭緒,唔知邊個位影會好啲,
我比較想影同氣球平行視線嘅相,
所以行到比較中間位置,
見到有位就行落去
冇幾耐,第一個氣球升空了
"夢"升起打頭陣,應該係特意安排吧
老實講,等待期間有少少沮喪,
我左手邊河邊有個突出處,如果我向左邊拍去,
無可避免會將突出處嘅人收埋入鏡,
加上天氣遠遜昨天(facebook見到網友分享),
但當氣球陸續升空,我都係比眼前情境震攝,好興奮
狂按失打
感覺只係好短時間,就通通升上天
最後上天眷顧一下,比太陽露一露面
同場加映,老婆對岸用手機嘅作品,
影得靚過我😁