NEX 5R 到手後，第一樣就係搵手繩，
因為 Bryan 成日話想用吓部機，
冇手帶驚佢一個跣手部機就玩完
跟住就上網搵 adapter，
由於 SONY 啱啱出咗優惠，
凡買 NEX body + 一支 E mount 鏡，
就可以免費獲得 adapter，
但呢個 adapter 對好多 nex 用家嚟講係冇用o既，
佢哋好多選擇平放出去，
我因此可以撈平貨喇
有咗呢個 adapter，我就可以用番我o既 A mount 鏡喇，正~~~
跟住我又買咗一支二手魚眼鏡
其實想玩魚眼好耐，不過太貴唔捨得，
呢支韓國製手動魚眼價廉，但聽聞質素不俗，
遲啲等 Bryan 考晒試就可以試鏡啦
上次約定表哥表姐5月12日再嚟迪士尼，無為意到呢日係母親節
不過都冇所謂，反正近年乜嘢節都好似係同 Bryan 慶祝咁 XD
呢日紅卡年證可以入場，加上母親節，估計一定好多人，
所以我哋開場冇耐就即入場，希望避開人潮。
Bryan 好緊張，因為一個恨玩好耐，
之前唔夠高，上兩次入場又撞正維修o既遊戲終於有得玩....
就係沖天遙控車!!
講真，我都怯怯哋，
不過大人中，我已經係最有勇氣，
焗住陪佢哋玩
我哋係第一批人玩，佢哋竟然揀坐最前面 
呢兩個豆釘真係好沙pop
佢哋話趁唔使排，要即刻玩多次
我哋呢次玩，只有最尾兩排唔使同人迫，
我唔多敢玩最尾一排，就走去尾二排，
點知工作人員話啲安全墊未放落嚟，去尾排啦，
我話有啲怯喎，
點知呢個姐姐仔話，頭先你哋玩最前排，仲點會驚呀 
玩後個人結論: 真係最前排恐怖啲喎
搞搞震o既 Bryan
我哋想行吓商店都唔得，班細路催促我哋去灰熊山谷，
佢哋想破 Bryan 上次一日玩七次紀錄 
全日最後玩咗8次，又破紀錄 
呢個 pose 係Chip 'n' Dale 指令要我哋擺o既
後尾喺工作人員手中拎到呢張母親節咭，Bryan 即席揮毫表心意
可惜執筆忘字，錯字連篇 
唔記得講，
呢一日另有重要任務，就係試機，
朋友 Alam 又以超筍價放部SONY NEX 5R 比我，
今日第一次試機，真係非常滿意，
畫質當然不及我部大機 SONY A900，但肯定超過之前用過o既 A700 & A55，
再者，呢部機有apps 玩，又可以wifi 將相存入手機，
對我嚟講，最最最重要係有得拍高清片，彌補 A900不足，
遲啲買埋 adapter 就可以玩埋我用開o既鏡
反mon 設計，以後呢類低炒，唔使估估吓
離咗題，講返迪士尼....
因為呢日係母親節，預計夜晚好多人出街食飯，
所以打算早啲走，
點知班細路唔願，係都要去埋畫畫教室....
同之前一樣，都係學畫 WINNIE THE POOH
嗯，都叫做認到o既
接近六點，終於捨得走，去青衣食飯 lu....
