頑遊名古屋‧岐阜‧三重12天自由行2015 DAY 11 熱田AEON MALL【全卷完】

話咁快行程最後一日，

原本打算各自修行，

自行買手信咁樣，

有團友覺得都係一齊行動穩陣，

咁就又去 shopping 啦....

朝早又去地下街食早餐，

話說尋日我話試吓第二間餐廳，

結果喺近鐵果邊地下街搵極都冇啱心水，

結果求其去間麵包鋪食，麻麻哋，

於是今日都係去番呢度食，哈哈

今日就係去熱田 AEON MALL，

去JR金山駅，

南口出有免費接駁車

呢個商場都有幾間運動鋪，

估唔到喺呢間其貌不揚嘅逗留最耐，

因為多特價貨

呢度當然有食肆，

喺度食埋個午餐就要閃啦

回程當然搭番接駁車

JR名古屋有出名等人嘅地標 - 金鐘同銀鐘，

我哋住嘅東橫INN 喺銀鐘呢邊，

Bryan 好唔耐煩，

因為趕住返酒店拎行李，

團友們已經帶離我哋 XD

名古屋中部機場榮獲"全球最佳地方機場"，

果然名不虛傳，

感覺美輪美奐，

又多出名食店，

可惜時間不夠，

只係食個拉麵就要匆匆入閘 (入去買零食手信 XD)

【全卷完】

頑遊名古屋‧岐阜‧三重12天自由行2015 DAY 11 日本最大‧長島爵士OULET【下篇】

呢個廣告牌同時吸引大家眼球

色彩吸引，而且仲好好食~

返到名古屋，

再去TOKYU HANDS 血拼 ^^

同媽咪各敗咗個 PORTER 袋...

今日全團都幾乎散盡家財，

有年青團友話年頭同表哥到東京食過松屋，

話好好食，

呢次一定要介紹佢媽咪食。

大家仙都唔仙都舉手贊成，哈哈

其實味道都唔錯o架

【DAY 11完】

頑遊名古屋‧岐阜‧三重12天自由行2015 DAY 11 日本最大‧長島爵士OULET【上篇】

2年前，

因行程編排關係，

錯過咗長島OUTLET (當然因為我麻麻地好shopping 啦XD)，

對老婆有少少抱歉。

今次行程陰盛陽衰，

點都要編落去，

仲要編落行程尾二日，

等大家可以用盡彈藥血拼，哈哈

順提，名鐵巴士有巴士直達長島OUTLET

呢度號稱係全日本最大嘅OUTLET，

亦係見過最靚嘅

一如既往，

同團友分頭行事，

Bryan 又係拎住地圖，

帶我哋去 Lego 店.....

土岐已經入咗貨，

所以今日自然空手而回啦

Bryan 對高達都有興趣，

不過據聞 BANDAI都係比香港賣得貴...

行行吓偶遇番團友，

變番一齊行，

見佢哋喺度行咗好耐都未出嚟，

就入去八吓，

結果我敗咗個銀包 XD

呢度幾好行，

幾舒服。

價錢係咪激平我就唔知LU

OUTLET 旁就係長島遊樂場，

眼見啲過山車真係好激，

可惜冇人陪玩，

就冇入去了

 落差勁到哩....

聽到啲人玩到鬼殺咁嘈

【待續】

頑遊名古屋‧岐阜‧三重12天自由行2015 DAY 10 長良川鵜飼【下篇】

我哋艘艇係"桔梗丸"，出發囉

上篇提過嘅澳洲美女同我哋坐同一艘艇，

船伕操流利英文，

同我哋講解有關鵜飼嘅知識。

最後去到一處石灘，

船就停定，

只見已排滿一排準備欣賞鵜飼嘅艇

仲有艘比人方便嘅艇

我哋坐嘅"桔梗丸"

Bryan 身後大哥就係同我哋講解果位

天漸黑，

準備上船出發

老實講，

距離太遠，其實唔多睇到

不過大家屏息靜氣、聽到鵜匠呼叫嘅氣氛幾正。

唔講唔知，

鵜匠嘅呼聲被選為"日本百聲"，幾搞鬼

大家留意，

原來呢個時候有好多草蚊 (團友話係草蚊)，幾擾人吓

 

影影吓，

澳籍靚女趨前話佢部儍瓜機影唔到，

問我可唔可以將相send 比佢....

靚女叫到，梗冇問題啦，

可惜冇叫佢影相留念 XD

完成表演 (其實有冇捉到魚呢? 我真係唔知XD)，

最後鵜飼艇排成一排，

好似感謝大家欣賞咁~~

我去旅行鍾意加插一啲旅行團少編嘅行程，

我就幾喜歡呢次鵜飼體驗，

但可能會有人覺得幾無聊，

所以要自己衡量。

搭番巴士返JR岐阜站，

樓上一層有好幾間食肆，

少數服從多數下揀咗呢間，

後尾有團友講原來香港有分店

【DAY 10 完】