頑遊關東2012 DAY 11 - 關東，再見! 【全卷完】

 每次去日本都大出血，

所以回程都係坐最慳錢o既京成本線特急到成田空港 (京成上野駅，1000YEN)



o係機場入面發現....



印象中好似係汽水機嚟o既 XD



大家可以留少少彈藥o係機場入面買免稅手信啊



ROYCE 朱古力都係搶手貨 -- 雖然香港都有得買



耶穌光??





好靚呀.... 只是近黃昏



再見了，日本!!

有機會一定再來



【全卷完】

頑遊關東2012 DAY 11 - 上野一蘭拉麵 + 阿美橫丁

 之前食過橫濱店o既一蘭拉麵，Bryan 驚為天人，喜歡不已，

猛咁話要去上野食多一次，睇睇有乜分別云云....

呢次安排我哋坐家庭座，唔係個人自修室喇



結果 Bryan 話不分上下，一樣咁好味~~





一蘭拉麵【上野山下口店】

【住　所】 〒110-0005　東京都台東区上野7-1-1

【電　話】 03-5826-5861

【席　数】 37席(カウンター27席・テーブル10席)

【アクセス】 JR上野駅　駅ビル（アトレ上野）内上野山下口すぐ
URL:  http://www.ichiran.co.jp/html/kt_ueno.html


食完一蘭拉麵，返酒店拎行李，

順道逛逛途經o既阿美橫丁。

坊間話阿美橫丁裏o既藥店係相對便宜o既，

大家相信的話不妨嚟格吓價。

想當年我去東京旅行，每次都會到阿美橫丁買手信....

記得必買係帆立貝



今次就只買咗生果串



竟然冇西瓜!!



百果園出品，必屬佳品??







挾公仔機有草泥馬 XD



睇見熟悉的街道，以往東京旅遊o既片段又浮現腦海中



要到別離時刻了....


【待續】

頑遊關東2012 DAY 11 - 再闖東京駅一番街

別過汐留，原定計劃係去原宿重開的 KIDDYLAND (果度亦有鬆馳熊專門店)，

但上次到東京駅一番街冇耐就關門，意猶未盡，對未能食到即製薯片又耿耿於懷，

加上又想試試六厘舍，所以...

東京駅一番街，我又來啦!!


第一時間食咗即製薯片先



排隊哥又要出馬









香脆兼有濃濃的馬鈴薯味，不錯的小吃



終於見到全貌啦





三次到訪鬆馳熊店，終於搞掂晒所有訂單









Bryan 認得 TOMICA SHOP，自己行咗入店內搵玩具玩 (吉祥寺o既分店已經玩到唔願走)









到咗午膳時間，想一嚐六厘舍o既沾麵，

不過見到打晒蛇餅o既人龍，打咗個突....

都係順從 Bryan 意見，去上野食一蘭lu


【待續】

頑遊關東2012 DAY 11 - 汐留宮崎駿大時計

為咗呢個設計獨特的大時計，我家又一次向汐留進發...



我哋離開築地市場，就即刻往汐留進發，地下鐵只係兩分鐘車程

見到啦，呢個據稱宮崎駿大師構思咗五年，建造超過一年、充滿宮崎駿痕迹o既大時計果然超讚



可惜唔可以入去嚟一個近距離接觸









假日的話，十點會啟動大時計機關，可惜是日為星期二.... 要到十二點至啟動



落樓下同麵包超人卡通車影影相











搵洗手間時又發現多一張 Designer chair，你睇 Bryan 坐得幾舒服 XD

【待續】

---

頑遊關東2012 DAY 11 - 築地市場壽司大

今日係行程最後一天啦，天未光就要起身，好有最後衝刺味道...

仲未到朝早六點，我哋一家已經身在都營大江戶線，準備出發去築地市場...

列車比想像中仲要人多，

我係一個路癡，諗住跟住D 遊客行就實冇衰，結果...



似是而非，點解唔似有壽司店o既



搵咗十幾分鐘，結果投降，向市場工作人員問路

卒之到了，超感動呀



已經排滿咗一堆人



同樣出名o既大和壽司點解冇人排o既

註: 果兩名老外正被老板娘招待入內，並唔係排隊o既


壽司大就分成兩條人龍排到出街外，店員好細心，借傘子同送凍茶比排隊遊客擋太陽同解渴

排我哋前頭o既日籍姑娘同我哋講話我哋o既大概要排兩個半鐘

只好影影相同打手機遊戲消磨時間 -- 果個切水果遊戲我都唔知切咗幾多個西瓜同菠蘿lu







終於排到店門位置，目標在望



可以點呢兩個套餐或散叫壽司，一場來到自然點 3900 yen o既套餐啦



味美得沒話可說，新鮮o既北寄貝原來唔係尾端呈紅、硬綁綁咁o既，而且仲識郁o添呢



3900 yen 套餐係包十件壽司、味噌湯，仲可以自選一款壽司，

貪心的我當然選貴的啦



壽司大除咗以食材新鮮聞名，仲有壽司師傅o既親善態度，

亦都係我堅持幫襯o既原因。

招呼我哋o既壽司師傅略懂廣東話，除咗同我哋寒暄吓，

仲教我哋知道所食壽司係乜嘢名堂，有D 壽司仲囑我哋千祈唔好蘸醬汁以保原味。

我特意為呢個親切o既壽司師傅影咗幅相



呢餐可算係我有生以來等得最耐而且又係最貴o既早餐，但我認為相當值得。

溫馨提示: 去壽司大除咗要查清休市日子，仲要盡量避免星期六日到訪，因為人多得不行啊


再見了築地市場

【待續】