【DAY 3】元祖博多だるま（達摩拉麵）

 返到博多8點半左右，搵嘢食先...

嚟到博多梗要試下博多拉麵，

博多車站二樓就有條拉麵街

都有唔少選擇

見唔少網友介紹佢，就佢啦

元祖博多だるま（達摩拉麵）

套餐:麵+餃子+一支汽水呢個套餐好似唔錯

當麵捧過嚟時，我哋覺得飄來一陣怪味....

好啦，我就直接講，係臭味，團友話係咪豬羶味....

戰戰兢兢試下味，好奇怪，異味消失咗，

哄埋去聞都唔覺有，食落仲幾好食，食咁多拉麵未試過咁😄

食完麵仲有時間逛下博多車站旁果間Yodobashi-Hakata

買唔起都可以過下手癮，爽

【DAY 3 完】

【DAY 3】御船山樂園 X teamLab 神樣居住之森

 下一站去御船山樂園，

要去武雄溫泉駅轉巴士....

久保田轉車爭啲出事，

因為到時間點嚟到嘅列車唔係去早岐嘅，

好彩有懷疑問一問車站職員，

好少可搭JR會唔準時

到武雄溫泉要轉一程巴士

十零分鐘就到目的地

御船山樂園係賞楓名所，不過我哋去嘅時候尚未見頃，

我哋去係為咗佢

御船山樂園 X teamLab 神樣居住之森

行程之前見到，4/11 (即係我哋去果日)係最後一日展覽，

然後8號開始夜間點燈賞楓，

之不過2日見到，話大受歡迎，

teamLab延至8/12 (唔肯定，請上官網求証)

影下個入口

見到好多人入土產店買入場券，排埋一份，

望下啲土產

排咗幾個字條隊郁都唔郁，見收銀姨姨同啲遊客講一大輪，

最後上前八八，

約略估計係話如果想呢個時間點入去就要去第二個入口排，

佢每個遊客解釋一大輪，又言語不通，所以條隊唔郁

澎澎聲去第二個入口

好多人嘅哩

終於入到場

因為巴士疏落，預計只可逗留2個零鐘，

拎住佢哋提供地圖，先去睇室內嘅光影藝術展....

睇之前，點都要喺呢度打下卡未有紅葉，可惜呀

嚟到第一個展室，

先揀張番圖畫填色，

小弟呢張劣張題材比較敏感，所以打下格仔

跟手有職員會幫你SCAN張圖畫，

然後入場欣賞

大家都好努力搵自己張作品

頂呀，唔知係咪題材太敏感，出唔到街，

我搵極都搵唔到自己果幅😢

呢度真係玩得太耐，出到去天色已漸沉，

燈光之下靚晒

跟住去咗個展室冇料到，冇影相，

然後去第三個展室

繼續按圖索驥

嚟到呢度，團友搏命影相

睇完去番之前第一個入口處，睇室外展品，

嚟到一個湖，聽到啲好禪嘅音樂，

然後有個漁夫泛舟，

但係冇光影嘅，黑蚊蚊咁，

知道要等一陣，大家就乖乖地等光影出場。

聽住禪樂，有啲懨懨欲睡感覺，

然後光影出場

等燈光一滅，立即轉場

雖然仲有個瀑布光影想睇，但驚巴士太多人擠唔上車，

就提早閃人，下次嚟御船山，希望係睇見頃嘅紅葉

【DAY 3】竹屋鰻魚飯 & 曳山列陣

 睇完祭典，心滿意足，我哋沿路折回搵地方食晏，

其間團友命令我影低佢....

途中發現呢個懷舊遊樂場

童年常常去玩的一個遊樂場，

瀡滑梯下面呢個更高更陡，

我哋更會指令年紀比較小嘅街坊，

叫佢哋帶埋爽身粉去，很不可思議吧....

一班老鬼用十分鐘時間返回童年，

正式搵嘢食。

話說準備回程時，見唔少油雞都介紹去竹屋食鰻魚飯，

於是打去白金秘書代為預約，

點知竹屋回覆話不接受第三者代為預約，

都有心理準備食唔到。

我哋行吓行吓發覺竹屋原來係附近，

就過去望下

竟然有位，仲要係大把位，

可能啲人去晒睇祭典

要埋個湯

鰻魚飯來了，好味👍

不過結帳知道只係比尋晚餐多牛平幾百円，

團友們覺得唔係咁抵😂

食完晏，距離搭車去下一站仲有啲時間，

去竹屋附近嘅舊唐津銀行下

呢位仁兄大有來頭，可惜我唔記得佢係乜水

直行直過，幾分鐘唔使就閃

行到車站附近，竟然見到曳山列陣

早知就唔會咁咪咪磨磨，早啲過嚟影相啦

要趕列車，唔可以慢慢影，

就咁樣，我哋告別唐津

將來有機會再到訪的話，我會去拜訪唐津城，食呼子魷魚.....