2012 維園花展隨影

上個周末，

Bryan 表姐約我哋去睇花展...

等候期間，

見到有復仇者聯盟公仔，

Bryan 自動話要影相留念

呢套戲我兩囝爺都好恨去睇...



剛好影完相就等齊人.... 出發!

其實從冇去過維園睇花展，

因為睇人哋 D 相總係人山人海，怕怕...

今日係周末，當然都冇例外

終於搵到個位 + 少少耐性....



覺得唔錯，又叫 Bryan 同媽咪影番一幅

















最勁人潮地方，果然係最靚...

喺我哋參觀兼影相期間，

呢三個手執花展小魔怪已經不停叫我哋快 D 去兒童樂園 (地圖有標誌)

最後我哋都係走馬看花算係睇過吓就同佢哋去咗兒童樂園，

原來係有好多攤位比小朋友玩，

集齊印花又有小禮物拎咁咁

由於時間所限佢哋集唔齊印花，

好彩有好心員工仗義幫佢哋印滿，

拎完小禮物同佢哋去咗銅鑼灣食越南菜，

又渡過一個愉快周末~~

巡視業務兼慶生

Bryan 六歲生日大日子，

之前問佢想去邊，

佢話想去海洋公園...

及後知道媽咪張迪士尼年票正係佢生日果日到期，

佢就改口話要去迪士尼

首先去玩 Bryan 稱之為 no.1 喜歡 game - 降落傘



















影影吓，玩具兵回巢...

其中一個士兵停低要同 Bryan 合照一幅



士兵走咗又繼續影 XD















一如往年，都係o係大街餐廳訂咗位食飯兼切蛋糕...

今年D價錢加咗唔少....







乖仔，祝你生日快樂、學業進步，每日都開開心心





加咗個簽名....張相當然唔係我影的, HEHE

thx 餐廳員工幫手按掣~

遇上基昂

 上周三，

阿仙奴名宿馬田基昂來港宣傳 7月尾阿仙奴vs傑志表演賽，

記者會後基昂即去球迷會安排見面會...

近距離見到喜歡球星，好感動啊

基昂風采不減當年，型!



球迷會安排咗個靚女同基昂做訪問



基昂個樣好似好o答糖 XD











會後，基昂仲同我哋呢班球迷簽名 + 影合照.... 開心到我哩~~

多謝大會攝影師 Eddie 幫我拍照留念 ^ ^



拎咗張相同一張 clour print 比基昂簽名 (張clour print 冇影低)



原來佢喺見面會之前已經準備咗一疊親筆簽名相比大家分發，真係貼心



球迷會元老阿Matt 有大量阿仙奴珍品 & 超多親筆簽名相，

佢發現有重複，彈咗張沙格拿親筆簽名相比我，thx so much




超期待阿仙奴7月來港呀，希望到時球迷會又有筍野益我哋，哈哈...