傳奇再現2018

幾位阿仙奴名宿來港獻技，
多得球迷會搵我幫手拍吓花絮，
令我可以近距離接觸一眾偶像😊😊

球星如貫進場去簽名會會見一班粉絲....
蘇金寶呀~~~~

呢位對大家嚟講可能陌生，
佢係靚仔龍 -- 沙賓

我喜歡的球員 --簡奴

球迷會先安排一眾球星同班阿仙奴足球學校小學員影大合照

伊保真係NICE 到飛起，
好搞笑又親切

羅倫

名宿溫特本

球星落力為大家簽名同合照，
石大律師呢個Die hard 阿仙奴fans 都有到場搵偶像簽名

我都成功集郵，hehe

我件簽名球衣又加添幾筆

因忙於拍攝，

連擺喺枱比球迷免費索取嘅簽名相片都冇時間拎，

到簽名會完結已經冇晒，

點知有個細心體貼嘅球迷朋友幫我搵咗我呢次最喜歡嘅2位球星簽名，

仲要加簽我個名，實在太感動

 

 非常開心，希望下次仲有呢啲機會幫手XD

2017 英格蘭足總盃決賽暨阿仙奴球迷會成立15周年

球迷會不經不覺成立咗15周年，
數數手指，
原來我都加入咗12年，
其間球迷會搞嘅4次足總盃決賽我都有參加。
慶幸4次都冇甩拖，
捧盃而回。
今年尤其開心，
因為當年不敗陣容，
最強右閘羅倫都到party為球隊打氣，
我仲成功集郵，
真係要請小鳳姐出場.....



London Is Red!
當時球隊領先1:0

球隊被追平後迅即再度領先，
球迷開心到彈起。

最後順利捧杯

方力申係著名阿仙奴超級fans，
見過佢幾次，
今次第一次搵佢合照 XD

原來東張西望主持黃耀英係阿仙奴FANS，果然識貨，抵你娶到好老婆

嘩，羅倫呀~~~
 

羅倫好NICE，有求必應，本來我都有準備球衣比佢簽名，
但太多人唔好意思出手

仲有般莫迪

希望阿仙奴繼續加油~
下次見!!

新玩具 - THETA S

呢個幾月，

朋友間相繼入咗 LG360，

率先買嘅朋友發現衛訊只係賣$1498，

比標題平得多 (據說而家加番到$1800左右)，

結果幾個朋友喺2日內相繼出機，

之後一次約出嚟打邊爐聚會，

同檯9人只係得我一個冇 XD

我見旅行在即，

呢班損友又每日放毒，

都心動想買。

最後目測發現，

RICOH 嘅THETA S 表現似乎勝一籌，

一不做二不休索性買呢部嚟玩，haha

呢幾日Facebook 剛發表支援360照片，

第時放相更加容易，

我都要摸熟啲部機去旅行，呵呵~

AMY & SAMSON PRE WEDDING 三部曲【番外篇】EXPOCITY

今次三日PRE WEDDING 拍攝，

我想無論影同被影都辛苦了。

但一場嚟到日本，

梗係要行番夠本，

記得除咗神戶拍攝當晚，

我同拍檔一齊嘆咗個神戶牛鐵板燒晚餐 (回味中)，

其餘兩晚都自由時間，

都自己喺京都同梅田閒逛，

我恨咗呢個機會好耐，

正如老婆同我講: 睇怕你都冇乜咁嘅機會，Enjoy 吓啦 XD

雖然大部份時間都要幫人購買藥品同幫 Bryan、姨甥女搜購玩具，

但一個人喺喜歡嘅都市冇目的地，

隨處行都幾有趣。

當然，

當去到一啲我未曾同老婆、Bryan 踏足過嘅地方，

仍然會想，如果係一齊就好啦~~

*************************************************

到行程最後一日，

因為夜晚機，

所以有半日自由時間，

原本係諗住各行各，

點知大家不約而同想去新開冇耐嘅 EXPOCITY，

咁就不如一齊啦，

當日我早起身，

同大家講聲走先，食晏再約就閃咗，

EXPOCITY 好易去，

搭地鐵去千里中央站再換單軌電車到 " 萬博記念公園站"，

一出萬博記念公園站，

就見到佢，

當堂諗起經典漫畫20世紀少年

 呢度開咗兩星期左右，

記得報導開幕當日，

遊人水洩不通，

今日又唔覺太多人，

可能閒日關係吧

我最期待畫面出現了

 行完GUNDUM 精品店，

就開始逛呢個超大商場，

因為不停收whatsapp 接order 買嘢，

又精挑咗份禮物送比老婆，

所以行咗幾個鐘都係好似喺兩層兜來兜去，

之後收電話，

夠鐘食晏了

去 KFC 食自助餐 XD

好多人幫趁，

所以要預先拎飛，

我哋排咗15:XX 食，

食完返民宿拎行李去機場啱啱好。

問我的話，

我會話不過不失啦，

始終幾滯吓好難食得多，HAHA

其實EXPOCITY 嘅水族館我好有興趣參觀，

不過都係同埋老婆Bryan 一齊去開心啲 XD

如果可以的話，

希望係今年暑假.....

久違了的冠軍

太耐冇update 個blog 了，因為太懶 XD

但今日太高興，忍唔住要同大家分享吓...

就係我至愛球隊終於拎到冠軍啦~

決賽對手係牌面稍弱o既侯城，

老實講，原先諗住係十拿九穩，

亦一早參加球迷會500人睇波大party，

點知唔夠8分鐘就比對手領先2球，

實在始料不及，

好彩憑卡蘇拿、哥斯爾尼、藍斯三個入球反勝對手，

拎到久違了的冠軍，

同因為阿仙奴而認識o既朋友互相擁抱慶祝，

果種開心法真係非筆墨所能形容，

期望冠軍陸續有來。

搬家了

YAHOO BLOG 執笠了，

知道呢個消息啱啱寫緊頑遊名古屋‧三重‧大阪遊記，

最後決定加快速度寫完呢個遊記搬家就啱啱好。

新家都係跟朋友用 google，

新家網址係:

http://bonluilife.blogspot.hk/

希望再同大家分享 Bryan 成長逸事。

____________

隨住 Bryan 日漸長大，我諗自己寫blog o既次數會相對減少，

我想留多啲一家人相處o既開心事，

等 Bryan 大個仔比番佢睇，

我諗佢都會滿懷感激之情..... 養番我兩老啩，哈哈...


______________

yahoo blog 消失真係有啲失落，

以後去邊度搵旅行資料呢?

須知道blogger o既資料比坊間旅行書好上多倍，

尤其搵啲較冷門o既旅行地方...

但天下無不散之筵席是硬道理，

所以...各位，有緣再聚了，拜拜!

TRAVEL PHOTOBOOK 2012 付印中

趁呢排比較清閑，砌番本PHOTOBOOK.....係2012關東之旅 ^ ^

點解事隔一年至搞?

因為要花好多心機，同埋唔少銀兩...嗚..

今次都係幫趁愛卡堂，事關佢可以印大尺寸同印刷超過100頁相簿。

當你試過印大尺寸相簿後，就好似睇大電視咁，好難翻轉頭，

而愛卡堂質素亦令我相當滿意。

以前幫趁愛卡堂都有朋友幫手付帳(因為朋友係VIP，有八折)，

今次我特意問愛卡堂，如我唔用朋友名義，

可唔可以都比八折優惠? 答案係冇問題。

當我搞掂晒本PHOTOBOOK，一睇價錢，真係嚇咗一大跳，

點解貴咗咁多o既??

兩年前我印135頁，費用係13xx 人仔，

今次我印114頁，既然要1500人仔(已八折)，好貴呀~~

唯有叫阿哥幫我國內代收慳番百幾蚊運費 (國內免付運)...

後來我上touching u 計計假如我幫趁佢哋收費係幾多....

(touching u 係我幫趁過，認為質素同愛卡堂差唔多o既印刷店)

答案原來都係要咁多，而尺寸就細愛卡堂少少 XD

感覺又好似OK 番多少，HAHA

而家好期待製成品~

我的 SONY NEX 5R

NEX 5R 到手後，第一樣就係搵手繩，

因為 Bryan 成日話想用吓部機，
 
冇手帶驚佢一個跣手部機就玩完

跟住就上網搵 adapter，

由於 SONY 啱啱出咗優惠，

凡買 NEX body + 一支 E mount 鏡，

就可以免費獲得 adapter，

但呢個 adapter 對好多 nex 用家嚟講係冇用o既，

佢哋好多選擇平放出去，

我因此可以撈平貨喇

有咗呢個 adapter，我就可以用番我o既 A mount 鏡喇，正~~~

跟住我又買咗一支二手魚眼鏡


其實想玩魚眼好耐，不過太貴唔捨得，

呢支韓國製手動魚眼價廉，但聽聞質素不俗，

遲啲等 Bryan 考晒試就可以試鏡啦

愉景灣沙灘獵蛋奇兵2013【序】

尋日收到快遞送件，Bryan 期待中...

以往兩年復活節假期都有去愉景灣，

不過就冇報過獵蛋奇兵，只係去愉景北商場玩吓。

今年媽咪提議報名玩吓，

於是就約埋表哥表姐齊齊報名，

Bryan 聽日7歲生日，啱啱好可以報7-10歲組別，

同表哥表姐一齊玩。

但一路以嚟聽講都話呢個活動好爆，好難抽~

曾經見過一個 blogger 話抽足咁多年都抽唔到，

女兒今年已經十歲係最後機會云云....

點知好好彩，Bryan 第一輪抽籤就抽中

但係表哥表姐們全部唔中，

咁點好呢，交唔交錢呢? 如果唔交錢佢哋第二輪又全部抽中咁咪....

結果我哋決定錢照交，然後期望大家第二輪都抽中可以一齊玩啦。

最後，兩個表姐第二輪抽中，表哥不幸抽唔到

唯有大家先喺愉景北玩餐飽，

到比賽時表哥喺一旁打氣啦.....

整裝待發

機票已取，酒店 Voucher 備妥.....

仲有兩個禮拜 -- 台北我來啦!!

Sony Festival 感謝祭 2012

Sony 搞咗個感謝祭，

對 Sony 攝影用家的我o黎講，

最矚目可以算係有得試用新旗艦全片幅相機 a99。

最後因為人多無心排隊所以冇試到....殘念

我到感謝祭另一目的就係參加《國家地理雜誌》攝影大師 麥克‧山下(Michael Yamashita) 的講座，

據聞大師係國家地理雜誌入面唯一選用 Sony o既，

講座入面大師當然推銷 a99 啦，

不過睇到大師o既作品，又真係靚到無話可說

爭D 唔記得講，呢個免費入場o既感謝祭，

每個入場觀眾都可以有一個扭蛋，

Sony 呢趟都算大手筆。

我當然想抽到相機型o既扭蛋，

可惜事與願違，我抽到 Sony Notebook 扭蛋....



聽聞呢個唔算太壞，據講最差係抽到 Sony TV，

因為真係得長方形一個黑色物體云云


【完】

---

ARSENAL HEROES X COKE

早幾日見到有網友 post 咗 韋舒亞 X 百事 o既百事可樂罐，

心血來潮之下拎番之前儲o既可樂罐出嚟影，

以下幾罐係阿仙奴球星當時代表國家隊出o既可樂罐，

係我深愛珍藏之一

首先出場係我至愛的球星 -- 伯金



皮利斯



亨利



奧華馬斯



自從 Bryan 出世後已經冇刻意收集可樂罐，所以脫晒節 lu...

如果有網友知道邊度有球星罐散賣 (最好係阿仙奴球星啦) 請留個言話我知啦~~

偶遇奇洛李維斯

午膳後回公司，

途經一名車店，

只見眾多 OL 舉起手機往裡瘋狂拍照，

八卦心頓起....

原來國際巨星駕到

剛巧他由店裡步出，

慌忙影用手機了一張相

回公司同班小妹妹講起，

即時慘叫震天，

大呼早知去果頭食晏云云


講起遇到明星，

有次印象更深，

話說大概三年前，

同幾個朋友家庭一齊去影相，

影完相去蘭芳園下午茶，

等了十數分鐘終於有位，

員工帶我們到餐廳角落，

只見好多食客往我們方向瞟....

原來隔離檯正是日本影星柴崎幸，

只見一日籍女攝影師正為柴崎柴拍照，

我們還未舉機，

已被一班工作人員用眼神及手勢制止

拍攝期間，

由於食堂淺窄，

柴崎幸更與我發生肢體碰撞

不過作為一個日劇迷，

我就沒有堅持要她道歉吧

現在想起，究竟柴崎幸有沒有出過有關香港的寫真集呢?


註：禁止拍攝只是工作人員，柴崎幸一直保持笑容，還與我方的女士們打招呼哩