2014年9月30日 星期二

【DAY 2】鳥栖OUTLET

8月4日‧星期一‧雨

一早落樓下食免費早餐加 CHECK OUT,

嚟緊兩日會住熊本東橫INN,

但我哋會先去鳥栖OUTLET,

女團友咁多,呢個行程一定要編 XD


首先要去劃位先,

正如前文所講,

我已經先製備咗座位預約表單方便JR 職員劃位,

加上又有中國籍職員協助,

所以好順利就劃晒飛 (當時以為.....發生乜事遲啲會講),

不過最想搭嘅ASO BOY 因為滿席坐唔到,RRR
 
但係都係意料中事,

我哋咁多人,

暑假旺季要全部有位真係幾難,

好彩由布院之森順利劃位....


******************************************************



出發lu~
 坐海鷗號



周圍參觀八卦吓





天氣欠佳,

對行outlet 影響唔算大,

但嚟緊兩日落大雨就大鑊,

只有祈求蒼天保佑了


去鳥栖outlet 要轉巴士,

巴士站好易搵,

一出火車站就見到


一到埗,

大家先去information centre 拎outlet 地圖,

然後約時間foodcourt 食飯就各自行街。

Bryan 拎住地圖即發現心頭好,

搶住帶路。

又真係比佢搵到




Bryan 最鍾意 STAR WARS 系列,

我同佢講香港買會平得多,

遏止佢購買慾 -- 雖則喺香港我都唔多會買比佢 XD


最後都係媽咪心軟,

買咗新出嘅銀河守護隊LEGO 比佢...

雨勢稍停,

影吓相先

夠鐘食飯,

呢度都係用呢款提示機,

餐食備妥就會震,好方便


Bryan 嘅漢堡飽餐

我就食博多拉麵,普普通通咁




Bryan 有咁多表哥表姐陪玩,

梗係開心啦


停咗雨,

即捉 Bryan 出去影吓戰利品相


幾好行,舒服嘅感覺



 加時期間撞到姨丈食名牌雪糕,

成班馬騮即刻屈姨丈請食雪糕




朱古力味好濃,正



離開outlet,

先返博多東橫INN 拎行李然後去熊本囉



【待續】

2014年9月29日 星期一

東橫INN 與 北九州JR PASS



去日本,愈嚟愈喜歡入住東橫INN



優點係方便,



好多旅遊點都有分店,而且通常近車站。



再者,係平。



成為會員後(付1500 YEN 就可成為會員),



平時住房平5%,假日更加平20%



我最怕一啲酒店周五周六漲價一倍,



住東橫INN 就唔使擔心呢樣嘢,



仲有,會員自動累積住房次數,



每十次送一次單人房住宿,



職員會主動提你累積滿十次,



今次旅行我一家就送咗一晚房租,



我哋預約雙人房,補回差價就OK



係咪好筍呢 ^ ^






同埋佢哋包早餐同小學生免費都係考慮因素之一,



不過又咁講,九州住宿一般比東京大阪平得多,



其實我都想過住好啲,



但係稍好嘅酒店,細路要加錢,食埋早餐又要另計,



由於有2個家庭團友都係一家四口,



為免佢哋百上加斤,



所以最後都係決定入住東橫INN



溫馨提示: 東橫INN 會員可以提早半年喺網上預訂房間,



解決咗我哋一大棚人驚BOOK 唔到房問題,



我建議大家BOOK 雙床房,



只要將兩張床合併就變成king size 大床,



啱晒有細路家庭。





: 東橫INN 房間比較細,所以以上只適合對住宿冇要求,



又想慳多少錢嘅budget 客,



我就係經常阿 Q 地用東橫INN 慳番嘅住宿錢當為補貼每次去溫泉旅館嘅肉赤價,HAHA




東橫INN 博多口站前第二

福岡縣福岡市博多區博多站前1-16-6


另外講講幫我哋慳唔少錢嘅北九州PASS,

JR九州PASS 分全九州同北九州,

又分3日同5日。

詳情可以search小氣少年嘅blog,

有詳細介紹。

呢次我哋行程係12日,

所以就每人買兩套北九州 JR PASS (有幾個早幾日走嘅團友除外)

我係喺東瀛遊買定的,

預定後3日後就可拎JR PASS voucher,

到時就再換JR Passport,

值得提提係東瀛遊職員話因為我哋每人買兩套,

建議我哋去到分兩日或分兩地換,

驚我哋會因一人買兩套pass 而被拒絕換票,

但我睇過小氣少年曾電郵查詢,

確證係無限制每人買幾套的,

所以我去到都係冇理到照換,

正如好多blogger 都有講,

有中國籍職員會幫手換票劃位,

所以唔使擔心。

為咗方便職員換票,

我先自備座位預約的表單

 慳番唔少時間o架~

2014年9月27日 星期六

【DAY 1】博多便宜的烤肉店 - 多牛

我哋哋由酒店出發去多牛,

期間突然落大雨,

由於唔係全員帶咗雨遮出嚟,

所以有啲要 2 人共用一把傘,

真係好狼狽,

但莫名地又覺得好親切,

始終好難約到咁大班親友一齊去旅行。

我哋依據 google map,

好快就搵到目的地。



第一時間就去留名同人數,

老板娘以為我寫錯,

再三核證至相信我哋係 17 人 XD

後來老板娘搵咗個中國籍員工同我哋溝通,

呢個哥哥仔叫我哋要等等,

同埋要分開坐,

呢樣係意料中事,

旅行前最令我擔心就係交通同食嘢,

咁大棚人真係好難搞….

等咗我諗有大半個鐘,

終於有位啦,

而且仲安排咗大家一齊坐,YEAH~~~


餐點點方面由女士們負責,

聽講呢度係用出名嘅佐賀和牛「伊萬里牛」,

我都唔記得嗌咗乜,

淨係記得好好味,

大家都讚抵食。

不過有樣嘢大家要有心理準備,

就係油煙好勁,

餐館提供嘅撥扇相信就係用嚟撥油煙的, HAHA



有機會再嚟博多,

我會再嚟幫襯


多牛
福岡市博多區博多駅南 1-5-3 西園ビル

【DAY 1完】

2014年9月25日 星期四

【DAY 1】福岡! 我來啦!

之前風聞香港快運會有航機去福岡,

雀躍不已。

因為正想去九州,

雖然唔知航班時間,

但起碼帶嚟競爭,

機票價格有望下調。

最後果然開航,

時間尚算不俗,

即刻著手預訂機票,

由於我哋太多人,

唔敢冒險,

當有暑期機票價格而同心目中價格相若就即預訂。


 8月3日,星期日,

我哋起行囉~~


起行前,

一團友話我知有個颱風去緊九州....

吓,唔係啩,幾日前至有個風啱啱走咗...

講真都有啲擔心。

飛機準時飛抵福岡,

但機長話因為機場交通繁忙,

未能著陸,要暫時在天空盤旋。

一落機,最緊張就係班細路....


一過關就見到姨甥嘅女友,

原來佢專誠嚟接機,

等我一直以為會喺博多等。

姨甥女友講,

因為颱風關係,

所以好多航班都延誤,

造成擠塞,

佢話有班韓國飛來嘅航機盤旋咗好耐,

我哋算好彩云云...

之後姨甥女友就帶我哋去博多,

其實好簡單,

就係搭一程免費接駁巴去機場國際線再轉搭地鐵就OK,

只係幾個站距離

因為姨甥女友一馬當先帶我哋去下榻嘅酒店 -- 即東橫INN

唔好意思叫佢等我先劃火車飛,

於是大家就先去東橫INN 登記然後至出嚟搵嘢食。

當時雨下個不停,

我本來諗住求其搵間食肆就開餐,

但大家話冇所謂,

可以照原定計劃,

好,就把心一橫,

就原定計劃去食平價烤肉!!


[待續]

2014年9月23日 星期二

北九州自由行2014[序]

呢次北九州自由行都算始料不及,

原本只係邀約一家去的,

點知原來好多人都有興趣。

最後變成大細加埋一行17人....

朋友聽到都笑謔係不可能的任務,

最後因為有充足準備,

加上有貴人幫忙,

雖然偶有蝦碌,

總算順利完成行程。


呢幾年去日本都有兩個人幫忙,

第一個要多謝我嘅靚女同事 Inez,

每年我 plan 行程遇有日文疑難都係佢幫忙翻譯,

或幫手註冊之類,

另外多謝我嘅好姨甥 Joe,

佢功勞更大,

每次要電話預約之類就要佢出馬,

冇計,因為佢識流利日文 XD

呢次因為組織龐大,

我哋就要多啲人幫手,

其一係團員甲嘅日籍老細,

呢次溫泉旅館同別府杉乃井都係經由佢電話預約,

另外係姨甥仔嘅女友,

佢喺日本福岡讀書,

正好要佢代買我哋觀豚需要嘅火車+船套票,

由於聽聞座位好緊張,

我哋又一大棚人,

冇佢幫忙相信我唔敢安排觀豚之旅。

衷心多謝以上


呢次行程只有一樣令我好唔開心,

就係唔見咗一張記憶卡,

我影相咁多年,

未試過未見菲林/記憶卡,

呢次仲要係啲咁珍貴回憶...RRRR
翻查相片,

相信記憶卡係喺長崎鍋冠山、

因為記憶爆滿要換卡而現場環境太黑,

跌咗都冇人發覺所致。

記憶卡記錄咗呢次3份1行程記錄,

只有小部份因為過咗落手機至倖存.....

搞到我都冇乜心機執相 > <