【DAY 9】岡山AEON MALL 肉匠松屋

網上一致好評嘅肉匠松屋，

嗜牛嘅我一早PLAN 好要食，

尋晚嚟到見到價錢有啲貴，

就決定今日中午嚟食 (名店午餐有特價是常識吧)，

果然.... 嘿嘿

即刻入店

見番啲圖，

我又吞緊口水了

點埋醬汁，wow..

好滿意，

嚟到岡山，

推薦大家嚟肉匠松屋食番餐

【待續】

【DAY 9】岡山桃茂實苑摘桃記【下篇】

去試食啦

地方係簡陋啲，

不過最緊要有靚桃食，

啲桃明顯比我哋採摘為大

Bryan 自告奮勇，

幫我哋洗桃同剝皮

好正!

我真係好鍾意食桃.....

有衝動試放題任食XD 

跟住坐返車返直銷店大買手信，

離開前買番杯水蜜桃雪糕試試先

睇過一篇台灣網誌，

叫大家去 you me (離遠就會望到) 對面巴士站坐返岡山站，

據講比我哋之前落車處對面的巴士站有較多巴士線返岡山站。

我哋唔知屬實與否，

只知我哋連同幾個等車的日本人上車後已坐滿整架巴士，

下一站上車的一批摘桃台灣人只好企返岡山

(當然主因係我哋一團已有12人)

先返東橫inn 擺低一堆手信，

入到去嚇一跳，

以為去錯地方

仲有最後幾個鐘衝刺，

又係解散、各自行動時刻，

我對尋晚去AEON MALL 食唔到肉匠松屋未能釋懷，

就即往AEON MALL進發，

去到AEON MALL，

老婆話去超市買吓嘢先，

我自己走去睇生果，

依然覺得吸引...

【DAY 9】岡山桃茂實苑摘桃記【上篇】

歡樂嘅時光過得特別快，

今日係行程最後一日，

因為上兩年團友買水蜜桃做手信，

 返港發覺唔少桃都給壓壞了，

今次挑行程最後一日摘，

確保完整無缺。

我哋選擇去桃茂實苑，

因為佢係少數公共交通可以到達嘅果園，

啱晒我哋呢啲非自駕人士，

從岡山駅出面巴士站坐巴士到下市，

就到桃茂實苑直銷店。

下市站落車，

記得信任Google map，

往目標移動，

因為乍看唔多似路，

身旁車子呼嘯而過...

到了

 我哋已提早預約，

 揀選了揀2個試吃2個方案，

同店員確認後，

店員安排車子接載我哋到果園，

喺等候期間，

參觀吓直銷店先

我本人比較懶，

鍾意行程尾站至買手信，

咁就唔使抽來抽去，

呢度可以買手信，fit 晒 XD

優質靚桃，

自然比較貴，

望落都覺得好食。

綠色有桃做饀麵包剛剛出爐，

有團友買咗，

忘記問佢好唔好食 XD

兩部車，

載唔晒我哋12人，

我同老婆留低等車返轉頭再接送，

好彩車程車程唔遠，

幾分鐘就到。

於是我哋又再逛吓

提子都好吸引，

可惜太貴，

唔捨得買嚟食

終於會合到大家，

工作派盒比我哋裝將會摘嘅桃，

然後就有個果園伯伯帶我哋行去果園

只可喺呢棵桃樹摘桃

伯伯示範正確摘桃方法

桃子被悉心照顧，

難怪咁好食

摘邊個好呢?

Bryan 親手摘的第一個桃

對面有室內葡萄，

好想摘埋一份

搞掂!

我因為時間關係，

就央求果園姐姐依佢經驗揀兩個最棒的比我摘 XD

跟住去試食啦~~

【待續】

【DAY 8】倉敷天領夏祭 + 倉敷三井OUTLET

食完飯，

我一家就告別各位團友，

因為佢哋打算去OUTLET，

我一家就返岡山逛後樂園，

出到大街，

見到大批市民坐滿街道兩旁

原來今日係倉敷天領夏祭，

同老婆心意相通，

決定放棄去後樂園，

留低睇天領夏祭

好多人呀~~

最後團友又會合番，

齊齊睇祭典

突然間，

群情淘湧，

個個都好興奮舉晒機，

原來竟然有米奇老鼠、唐老鴨兩架巡遊車

當兩架迪士尼車遠去，

竟然有一半民眾散去，

好誇張，

等咁耐原來係等睇米奇老鼠 XD

之後係好多隊小學管樂隊巡遊，

認真反高潮，

反正都去唔到後樂園，

就同班團友逛吓OUTLET

Bryan 明知我唔會出手，

過吓乾癮都好 XD

晚飯返岡山 AEON MALL 解決，

出車站，

比攤檔吸引，

原來賣緊巨峰提子

岡山 AEON MALL，

幾多嘢行o架，

仲有 Tokyu Hands

細路堅持去呢層食嘢

又飯又烏冬，

實飽

原來同層有 SEGA，

食完可以拿拿臨過去玩

【DAY 8 完】