2010年6月24日 星期四

父親節閒遊長洲


父親節約埋 Hoyin 姨媽一家同去長洲,
坐豪華位梗係要去出面吹下海風影張相啦~



抵埗第一件事去我久違咗英皇茶餐廳,
食每次必食英皇三寶


大檸橙



楊州炒飯



焗雞中翼



食完就出發去海灘玩水砌沙 lu
今日天氣唔錯呀



Hoyin 下水英姿



其實今日咁好天氣想帶大機出街,
不過孭咁重嘢真係幾惡頂,
最後都係帶部防水DC -- TS1 算數。
...好彩有呢個決定,
食完飯返到屋企已經十點幾,
Hoyin 喺火車已經瞓到隻豬咁...


結果媽咪要抱 Hoyin 而我要抽 3 個人嘢,
如果加埋我副大機架生就....
亦因為突然抽多咗嘢同埋天性大懵...
我落小巴竟然漏咗 Hoyin 背囊
其實落車冇耐已經發覺,
唯有即跑去小巴站頭截停架小巴...
點知去到唔見果架小巴 (小巴基本上要排隊上客返火車站,照計實截得到)
後尾有個小巴司機同我講有D小巴係直接走人返火車站載客,
唔會喺度排隊...
oh my god...
個好心小巴司機建議我搵多個人落嚟守候,
我就返火車站兩面包抄...
我決定返返自己屋苑樓下個站守候(因為係必停之站)
就喺一個紅綠燈位我見到果架小巴啦,
而且見到車頭位置有白色之物...
疑似係 Hoyin 個背囊。
喺違法情況下出馬路... 最後終於物歸原主...
返到屋企,媽咪話 Hoyin 知道唔見背囊後話唔緊要啦...
.....不過要爸爸負責任












2010年6月20日 星期日

CARMEN & MIKE Pre Wedding @石澳

是日天文台預測有雨,間中有雷暴。

不過影相日期已經一改再改,


同準新娘商量後維持決定搏一搏請假去。

好彩天文台一如既往,

  又預測錯誤,哈哈。

雖然有一兩陣過雲雨同間歇有烏雲,但全日基本都算好天氣,

可能係準新人 CARMEN & MIKE 鴻福齊天吧。

 

在此祝一對新人永遠幸福~



























2010年6月17日 星期四

巡視業務 @ JUN

 6月15日,端午節前夕。
朝早約咗師父 upgrade 有線做高清版,
順便請假下晝同 Hoyin 去巡視業務。
迪士尼啱啱開始咗夏日主題,
梗係要同 Hoyin 先睹為快
媽咪淨係請咗下晝,
於是同 Hoyin 去接媽咪放工然後一齊出發。
同 媽咪食 lunch 時,
Hoyin 猛叫我哋食快D,
佢話佢想睇水花巡遊...
3 點鐘去到迪士尼,
趕得切睇 3點半水花巡遊,
呢個時候,
突然落狗屎,
係另類水花巡遊


好彩明知天氣唔好,
冇帶大機,
淨係帶咗防水 TS1
不過迪士尼夏日佈置整得幾靚,
下次要帶大機黎影番夠本 


話就話巴斯光年同太空戰士勁歌熱舞,
其實巴斯亮一亮相就鼠咗去 CAFE 招呼客仔 (得兩個客!!)
太空戰士都係求其兜個圈就同遊客影吓相



仲有沙雕....
因為天雨關係要撐起幾把超大太陽傘







2010年6月10日 星期四

世界盃狂熱



四年一度世界盃又黎喇
由細到大捧巴西
直到荷蘭出咗個伯金
覺得荷蘭捧盃的話都唔錯(畢竟巴西捧過太多次喇)
後來由於伯金原故瘋狂愛上阿仙奴
而家有阿仙奴球員參與球隊都會捧

所以今屆策略係︰
捧巴西、支持荷蘭、撐西班牙
 


2010年6月8日 星期二

HOYIN @ 屯門騎術學校


66星期日,晴。
由於老表同堂姐們都要應付考試,
Hoyin 又要自己搵節目喇。
今日同 Hoyin 去屯門探靚蝦王。
同以往一樣,
先去蝴蝶邨百佳買兩袋甘筍準備餵馬

馬房附近多處地方都有「嚴禁餵馬  免生意外」類似指示牌,
不過眼見工作人員其實都不太理會我哋呢D遊客,
我估指示牌用意係一個免責聲明嚟啫。
雖然係咁,
都唔可以做得太揚
我都係吼工作人員行開時候
至拎兩碌甘筍餵吓靚蝦王同摸吓佢,哈。



今日啱啱馬會轉播海外賽事安田紀念盃,
港隊馬全軍覆沒,
以往港隊馬就只有靚蝦王可以凱旋而歸,
隻馬幫馬主賺咁多錢又攞咁多采,
結果都要喺小小馬房度終老,慘
照計應該同翠河之類馬王咁,
喺澳洲頤養天年家嘛  



覺得呢個位光影唔錯,
多影咗幾張... 
 
Hoyin 餵馬連環圖 



仲有幾隻馬可以餵...
 


餵完馬去青森料理食嘢
食完嘢準備搭輕鐵去元朗,
喺輕鐵站外見夕陽西下又影吓


 輕鐵到站lu.... 拜拜