DAY 4 - 再見台北!

四日行眨眼就過


台北行程最後一餐，Bryan 竟然選擇 Burger King

我就揀呢間


可能個醬汁唔合胃口，感覺唔多掂


套餐包雪糕筒，食完飯拎去就幫你加雪糕


媽咪就點呢款


杯雪糕自然益咗 Bryan 啦


呢間拉麵店有個比人捐獻購物存根o既信箱，我哋就將是次行程o既存根獻出，

唔知有冇中獎，幫到有需要o既人呢?



經過呢次台北之旅，對台灣觀感大幅上升，

食嘢多選擇，相對又便宜，台灣人又親切有禮，

如果儲唔到錢去日本，台灣係一個不錯o既第二選擇


【全卷完】

DAY 4 - 台北車站掃手信

話咁快就到行程最後一站 -- 去台北車站掃手信


入到去就見到有間店大排長龍....

恕小弟孤陋寡聞，真係未聽過



原來係賣起司蛋糕o既，望落又真係幾吸引



限購一盒??! 好勁咁



女師傅辣個招牌上蛋糕度


望吓望吓，我哋都排埋一份

雖然條隊好似有d 長，不過蛋糕每十分鐘左右出十幾個個，好快就排到


諸事公 Bryan 全程監工


結論係冇想像中咁好食


呢間嘢 D 成品幾吸睛


好睇、唔知好唔好食呢?



呢個比佢哋號稱香港部落格選為最佳伴手禮

講到咁堅，我哋都買番幾盒，的確又唔錯o既，同事們都好受落



歡樂時光過得特別快，要返酒店拎行李去機場了



【待續】

DAY 4 - 永和豆漿大王

買唔到頭盔，即過隔離飲豆漿

永和豆漿大王


呢間嘢應該幾出名，經常喺人哋網誌見到，

我哋行程冇編排，估唔到誤打誤接可以試到.....

經過接連打擊，幾驚老闆話凍豆漿沽清呀


我覺得好好飲，唔會死甜.....

Bryan 都讚同



我哋仲試埋小籠包，唔錯，不過當然未及鼎泰豐啦




【待續】

DAY 4 - 光華商場

是日係旅程最後一日，但係除咗上引水產就冇 plan 過仲要去什麼地方，

原因之一係驚上引水產會排長龍耽誤時間。

結果竟然咁順利.....

我醒起有套剪片軟件係台灣出品，剛剛上市，

台灣買會平得多。

即時上網發現光華商場有得買，

於是啟程搭巴士前往。

上引水產對面就係水果市場，穿過水果市場就見到巴士站



去到光華商場，竟然發現.....

商場是日休息


唯有張目望吓周圍有冇其他嘢睇吓，

咦，有發現....


聽聞台灣買單車用品比香港平唔少，

Bryan 個頭盔已經唔啱戴，正好買一個比佢....

點知老板娘話佢哋賣o既係電單車頭盔，單車頭盔就只得幾款可揀




【待續】

DAY 4 - 上引水產 立吞壽司【下卷】

可能閒日又時間尚早關係，

並不需要排隊。

目測所見，似乎台客同港客一半半....




見到都流晒口水~~




點咗壽司後，隨後就要先結帳，再等美食....


立吞壽司即係要企喺度食，

Bryan 唔多夠高，細心o既店員後來拎咗個木箱等 Bryan 可以企高些少~





我哋有嗌套餐又有散叫







套餐附味噌湯，好濃郁


食完唔夠喉，再點!!


馬糞壽司超正


Bryan 大快朵頤




上引水產，大力推薦!!

上引水產

ADD:台北市民族東路410巷2弄18號
TEL:(02)2508-1268

時間：06:00~21:00 (立吞10:00~17:00)

【待續】