HOYIN X SHIRLEY X BON @ PASM Workshop Part 2

 
曾經睇一套日劇，比佢海報深深吸引住 ，
呢次去 STUDIO 一於照佢個概念抄一次黎影，
如果時間充足D，我相信效果會好D....

HOYIN X SHIRLEY X BON @ PASM Workshop Part 1

無錢幫趁 VENTURE STUDIO，

唯有自己租影樓影相...


整左兩張相向我最鍾意樂隊 -- THE BEATLES 致敬

欣欣與朗朗 @ 大埔海濱公園

今日同呢對小姐弟去大埔海濱公園影相，
當佢地進入狀態時真係玩到好HIGH哩，
我都影得好高興，不過亦都好累...
希望佢地（應該話佢地父母）鍾意d相啦

作品回顧 の 單車小子2

 


架單車咁貴（對我黎講），梗係要影多輯至維到皮啦 XD
朋友話科學園搞左個攝影比賽，提議我去影。
記得大概一年前同 Hoyin 去過果度影，靜到好似死城咁…
不過冇人打擾影相確係盞
扑鎚決定，出發去科學園踩單車影相 lu 


影相當日，遊人都係唔多，
只係有幾批好明顯係準備參賽攝影人 

衝線~~yo~~


夜晚喺屋企樓下又影下


後記：
拎左幅作品參賽，僥倖拎到優異獎
雖然獎品只係SOGO 禮券200大元，
不過都好開心，話晒係我同Hoyin 合作完成作品嘛 

作品仲印製左喺月曆其中一頁度，感覺幾過癮…
之前參加冒險樂園既攝影比賽（又係優異獎）又製成月曆，
整張合照先 



小插曲：
攝影比賽曲終人散，不過有個小插曲幾有趣，值得記存。
話說比賽有個人氣大獎，即係得網友支持最多作品得獎，
作品刊登第一日，已見領先幾位朋友得票過千 
我 facebook上朋友都係僅僅過百，叫晒佢地支持都係side gas…
所以都冇通知朋友支持
如是者，經過幾日你追我逐，領先幾位都爭持激烈，
大家都有幾萬票啦，
點知突然間，有一幅作品平地一聲雷，一日得票過十萬而突然帶頭
心諗呢次過癮喇，
會唔會最後埋單計數，頭五位票數總和多過全港電腦總數量架…
翌日，突然爆熱作品不知所踪，
大家都估到乜事，亦由果日開始，
頭幾位每日得票亦大量萎縮...
真係令我好失望，佢地D 支持者去晒邊呀…
頒獎禮當日，我最想見到就係果個人氣大獎得獎者廬山真面目呀 

作品回顧 の 單車小子

 

前言
Hoyin 部 Thomas 三輪車已經坐唔落，
又見朋友們陸續同佢地囝囡換車，
激發起換車念頭
經朋友洗腦式資訊 + 自己網上搜料
已經鎖定買 GIANT 既12” 小童單車。
我喺灣仔單車鋪同鎮洋網見到有一款聖誕特別版賣，不過要千五銀…
太貴喇，超過我預算，明明台灣 GIANT 網站有好幾款揀家嘛
後尾位於火炭既世紀單車專門店話可以幫我訂，
於是就放工就落去火炭揀車款… 普通版定價$8xx。
幾日後收到世紀電話，話我訂果款冇貨，只係剩番一個款揀，
唯有放工走落去睇下係乜款，
見唔係咁合心意，就隨口同老闆講番有冇聖誕特別版賣，
之後老闆就打左個電話，傾左成十分鐘，
然後同我講幫我拎到特價，賣$1000…
咦，平左3份1價錢 ，同而家普通版又只差百零蚊，
於是唔使諗，成交!! 


呢部就係 GIANT 聖誕特別版 12” 小童單車，
特別在用鋁架，倒剎系統同特別貴…

既然買左咁貴玩具，梗係要影番輯相留念啦 。
等第時Hoyin 睇番，知我冇虧待過佢嘛 
呢個頭盔我一見傾心 ，搵人去Japan Yahoo 代 bid，
都襯埋部單車架


後記：好彩手快影左輯相，
因為個響號冇耐已因Hoyin 炒車PK 而報銷左