趁開學前同 Bryan 巡視一次業務，
呢次仲約埋有全年證o既表哥表妹....
我哋一家入園後睇埋個巡遊正好約埋遲入場o既表哥表妹佢哋去食晏晝，
呢個時候，
天氣突然大變，落足兩個鐘頭傾盤大雨...
等極都好似冇停雨迹象，
媽咪於是即場買咗雨衣比大家替換，
我哋冒雨準備玩遊戲，
點知所有室內遊戲都爆晒棚，
根本擠唔到入去，
室外遊戲又話要等雷暴警告取消指示至可以玩....
結果呢一日冇乜玩到遊戲就要閃...
相片亦都欠奉，
直到夜晚去青衣城食飯至拎番部相機出嚟，
今日主角係佢 -- 藍精靈（The Smurfs）
唔記得同 Bryan 著定藍精靈恤衫襯番嚟影，失策
呢個藍精靈展覽係喺青衣城廣場，
只要隨心意捐款就可以入內參觀架喇~
【完】
第二朝一早比人摷醒，
原來同舊年 schedule 一樣，
先嚟個晨泳
今年多咗好多表哥表姐一齊玩水，
玩超過一粒鐘至捨得走...
梳洗完又準備出發喇
一班嘩鬼入咗我哋房探 Bryan，嚟個大合照先
去到 OP，依然人山人海...
我哋打算先玩熱帶雨林，
外母想搭纜車，
我就趁纜車要排長龍，中途帶班細路玩環迴水世界
去到熱帶雨林，
經我哋尋日玩過熱帶激流果班力陳，
女士們都躍躍欲試，
最後連我外母都玩埋一份...
我就唯有帶住 Bryan 用水槍攻擊佢哋
我哋喺射水區靜候佢哋光臨，
期間見到兩個鬼佬用大支蒸鎦水吉樽裝滿水，
然後向經過船兜頭淋
好彩佢哋玩咗幾架船就走人，
我班親戚至倖免於難
跟住我哋又玩排一大輪滑浪飛船，
今年呢個係加強版，
途中都會有射水，保證濕身
最後我哋又帶班細路去威威天地...
之前仲睇咗【天上王者】呢個 show...
原來我嚟 OP 咁多次都未睇過，
估唔到又幾好睇喎
下年 OP同南灣海景酒店會唔會再合作推出 package呢?
不過我估就算我 join，
呢次一大班親戚大部份都會投降唔玩 lu
【完】
上年 join 咗呢個 package 玩過覺得好抵玩，
今年多咗海洋奇觀同熱帶雨林，
於是報道一出，
拿拿聲即打電話去報名...
結果要輪流接力打，打足幾個鐘至接通電話...
今年 package 少咗早餐附贈，
但係計落都算便宜。
結果我哋訂足六間房，集齊超過二十人...
一到 OP，一如所料...... 勁多人呀...
海洋奇觀..... 未睇過，一場嚟到人多都照排，
結果大失所望，
個人認為新不如舊...
是日有親戚帶咗 BB 車入 OP....
我相機背囊因此可以長離我背脊，
亦因此呢次行程影得極少相.....
我哋事前商量過，
第一日先比班小朋友先玩夏水禮，
然後翌日星期一有望人少 D 可以去熱帶雨林玩...
於是離開海洋奇觀我哋就立即往大樹灣進發.....
點知....
原來今年夏水禮轉咗地方
我哋唯有喺果邊是旦遊... 然後喺灣景餐廳排咗超耐食咗個午餐...
然後過返威威天地玩夏水禮...
順帶一提，吃完午餐已經有一半團員難敵酷熱天氣返酒店休息兼游水...
講返個夏水禮，
又係好失望，乜細過上年咁多...
最慘係冇咗果條上年 Bryan 剛剛唔夠高玩超大 SIR 滑梯，
不過細路冇咁多感觸.... 有得玩就 OK...
所以佢哋都係玩得十分盡興
隔離係兒童王國，換咗衫又繼續玩
由於我哋想睇『雙龍奇緣』 水幕表演，
我哋就繼續同班細路玩玩玩....
夜晚 D 遊客少咗好多，我哋提早一日玩咗熱帶激流...
可惜 Bryan 唔夠高玩唔到
之後仲玩咗幾樣機動遊戲，
不覺間已逼近表演時間，
最後要外賣麥當奴喺纜車度解決晚餐
【待續】
玩完角色扮演，
我哋又跟 Bryan 上番樓上玩泡泡
原來再行入去另有光景，
有個房仔玩欖球...
Bryan 著上身論論盡盡，比佢笑爆咀
隔離房可以扮大長針
再行入去，有 D 另類體驗...
環境製作得好認真
飄浮??
卒之玩到 7點人哋收工至捨得走，
Kids Plaza Osaka 又靚又多嘢玩，
香港如果有個類似就爽咯......
再見啦 Kids Plaza Osaka
【待續】
