聽聞呢間技藝首屈一指
入到去人頭湧湧,
似乎唔係浪得虛名
其中一碟餅乾係假的,
我分唔到,
答案唔好問我,
因為我冇求證 XD
模型製作體驗班有兩款,
一款係果撻,
一款係做天婦羅,
天婦羅望落好似比較有趣,
就同 Bryan 報名。
望落已知重手咗,哈哈
奇形怪狀,好搞笑
跟住做生菜,
呢次似樣得多,
做法都幾過癮....
係拉出薄薄一層,
然後搓埋一團就係,
但成品幾像真。
【待續】
巴士到達郡上八幡,
感覺有啲荒蕪,
似乎距離我哋目的地有一段距離,
行呀行,
終於見到搜查資料時見到嘅景像
由於我哋都拖住行李,
有團友就索性向幾個後生仔問路,
明明向左行嘅後生仔示意我哋跟佢哋行,
然後一路往右走。
行咗十幾廿分鐘,
終於到達目的地,
呢班後生仔實在太好人了,
亦比我對呢個地方帶有好印象。
正當我哋諗住搵地方醫醫肚,
有對日籍母女同我哋做問券,
小女孩用貼滿圖案、寫好英語問句嘅簿,
用生硬英語同我哋做訪問,
而佢媽咪就操流利英語從旁協助,
問我哋來自邊度呀、
點解知有呢個地方呀、
以我哋所知呢個地方有乜出名呀等等
跟住仲有小禮物比我哋o忝。
我乘勢問呢個媽咪,
有冇地方可以安置我哋嘅行李?
佢答話應該冇.... _ _"
然後同我哋講呢幾間食肆太細,
好難擺得落我哋啲行李,
跟住就帶我哋去佢推介嘅餐廳。
嗚嘩,真係出路遇貴人~~
推介嘅地方唔遠,
樓下係類似超市,
餐廳喺二樓
類似 FOOD COURT 嘅餐廳幾大,
有地方放行李,
估唔到味道都好好,
牛扒好正好味道~
樓下超市有手信同生果賣,
另外仲有食品模型製作體驗
吸引我嚟郡上八幡就係食品模型,
聽講全日本有9成以上食品模型出自呢度~
由於已經鎖定體驗製作食品模型嘅地方,
所以只係參觀一下,
跟住信步行吓,
發覺真係唔少商鋪係賣食品模型,
製作好逼真呀
郡上八幡另一受人注目就係郡上舞
呢個地方真係好樸素、好寧靜
【待續】
高山老街距離朝市不遠,
尋日因為落大雨行唔到,
今日都要過番嚟影相留念
到啦,
係咪古色古香先~~
鋪頭都未開門,
所以都係影吓相
返酒店食早餐LU
講番間酒店,
雖然溫泉稍為失望,
但係以呢個價錢,
有得浸溫泉,
酒店又企企理理,
加埋包早餐,
其實性價比還是OK的。
喺便利店買飛驒牛肉包同布甸,
準備上車食。
終於到....
中途站
下篇至係郡上八幡
【待續】
預約咗10點幾巴士去郡上八幡,
因為要預留時間行日本三大朝市之一 - 宮川朝市。
晨早空氣清新開朗
因為我哋太早,
檔攤只係陸續開檔
有好多手作店
見到呢檔賣粟米,
諗住醫吓肚,
點知非常清甜,好味
種粟米種到咁叻,
同婆婆合照留念先 XD
啲專賣手信嘅商店都不錯行,
好多飛驒XX、飛驒YY 嘅商品,
我哋都進貢多少做手信
雖然只係短短一條街,
但係憑佢自身名氣,
兼且可以體驗吓當地民生,
我覺得值得犧牲少少睡眠時間造訪一次~
【待續】