頑遊京阪神9天2011 DAY 3 ~ 神座拉麵

落到心齋橋已經天黑，
本來想行吓商店，不過都係決定祭下個五臟廟...
去到道頓堀有好多選擇，
最後揀咗神座拉麵

我覺得質素一般般，冇乜驚喜....

Bryan 係餃子王，自己獨吞一碟，最後要嗌多一客...

旅遊書、blogger 都話經常爆滿要輪候，
但係就我所見，間間（包括四天王、金龍）都唔使等位，
係時候太晚定真係少咗遊人呢?

遊覽道頓堀，終於好似以往去旅行咁，
周圍聽到大聲講廣東話香港人

有好多挾公仔鋪頭

媽咪喺呢間 shop 揀手信，我就同 Bryan 影吓相

喺呢個時候，突然落咗一陣大大滴驟雨
連固力果招牌都未影得切就要匿入心齋橋。
原本諗住都好，可以逛吓商店...
之前見到有間賣 Disney 精品商店，
同 Bryan 睇咗一陣就比我話食埋晚飯先再睇...
點知.... 日本鋪頭實在太早關門....
最後唯有去機竇玩 Mario 賽車 & 太鼓達人安撫吓 Bryan

Bryan 堅持話佢識玩太鼓，睇佢玩到手忙腳亂個款真係笑爆咀

噢... 咁又一日...


【DAY 3 完】