今日出發往輕井澤，拖住兩個大行李都幾麻煩，
順從 Bryan 意見，又去 Queen Square 食麥當勞早餐...
Bryan 於是如願換咗蜘蛛俠o既膠杯仔
再見了! 橫濱!
處處看到的精緻
去輕井澤，要先由櫻木町去東京駅，然後坐新幹線就可直達
JR Kanto Area PASS（JR關東地區通票）就係由呢一日開始使用，
我哋買PASS 時已經順便劃好東京往輕井澤o既座位。
其實東京係總站，坐自由席亦多數有位，不過先劃始終心安D，反正亦唔花時間
坐好後就打電話比HIGHLAND EASE INN 民宿主人 Yoshi san，約定時間地點等候。
好快就到達輕井澤啦
從資料所得，已知 Yoshi san 十分好人，
經過這次旅程，我完全認同
話說當我落實預約民宿時，曾詢問輕井澤車站有冇置物櫃，
因為想先寄存行李，然後去白絲瀑布、中輕井澤玩，
之後再搵 Yoshi san 接我哋返民宿。
Yoshi san 隨即回電郵說佢可以先去車站先替我哋取行李回民宿，
等我哋遊玩完畢再致電比佢安排接送.....
到達輕井澤車站，我們去到約定南口出口處，
已見 Yoshi san 在一旁等候，
Yoshi san 放置好我們的行李，便指示比我哋知道附近有個 OUTLET 可以逛逛，
又話比我哋知我想去O既石之教堂，喺附近有免費接駁巴士到達。
當我哋同 Yoshi san 講準備立即出發去白絲瀑布，他隨即叫我哋上車，
話往白絲瀑布o既巴士站喺輕井澤車站北口，他會載我哋過去巴士站....
當到達巴士站，只見一架巴士徐徐開出，
Yoshi san 驀地加油，將車擋喺巴士前，
然後落車同車長嘰嘰咕咕，跟住就示意我哋上車，
原來呢架巴士正正係去白絲瀑布o既
好彩有Yoshi san 幫忙，幫我哋慳番一班班次時間....
【待續】
沒有留言:
張貼留言