十五妹生日會2013

Bryan 趣緻表妹十五妹今年搞生日會慶祝，

竟然係去觀塘食韓燒，

呢類自助形式真係啱晒班細路，

可以騰出騰入拎嘢食，

斷估十五妹呢個生日都過得幾開心o既XD

聖誕禮物 2013

身邊有一班鍾意 LEGO o既損友，

我都係因為耳濡目染，

就試吓比 Bryan，

一如果班損友o既囝囝，

Bryan 都好喜歡 LEGO，

可惜佢老豆我財力同呢班損友差天共地....

好彩 (可能係不幸) 呢班損友都幾有良心o既，

當佢哋見到有筍價時都會通知我，

就好似呢盒 LEGO 咁

呢盒 LEGO 用嚟 count down 聖誕節。

呢號碼逐日拆迷你 STAR WARS 小 LEGO，

當晒 24 個就係平安夜啦

同 Bryan 提早送聖誕禮物比佢，

仲係佢好鍾意 o既LEGO，

Bryan 自然開心到痺啦

送比佢果日已經 2號，

Bryan 一連拆兩隻，好 happy~

而家 Bryan 每日都好期待拆嘢玩~

呢盒嘢可以玩足成個月，抵呀!!

溜冰第二堂 + THE ONE 鬆馳熊

好快就到第二堂，

Bryan 算係略有進步...

有時都一仆一碌o既~

教練好似幾玩得，

班細路都幾肯跟佢~

Bryan 唔似細表姐溜冰資質聰穎，

但見佢努力咁學踩，

竟然有少少感動....加油呀 Bryan

 之後去THE ONE 探鬆馳熊，

我哋搭巴士過去，

遇上大塞車，

後來至知道係法輪功遊行什麼的，

結果錯過咗同真人扮o既鬆馳熊合照

大棠紅葉2013

以往幾年都有帶 Bryan 去大棠影紅葉，

(上年不知何故缺席了)，

今年又去影過，

出發前都知啲紅葉仲未得，

不過都照出發，當一家人去行吓山啦。

我哋冇跟大路影好葉o既地方，

因為怕影人頭多過紅葉 XD

我哋去番以往影相o既地方....

 果然，成撻地都係得幾棵染紅，

都算有少少意景o既

影完相又去食B 仔涼粉，

都幾爽，

本來諗住兩星期後 (即聽日) 再影一次，

不過天氣欠佳兼有約，

恐怕又要等下年再嚟過lu 

BRYAN 學溜冰

Bryan 有個表姐學開溜冰，

介紹咗個教練比我哋。

見班細路都有興趣去學，

就同佢哋報名。

經了解，原來2-3人為之私人小組，

學費$750 上五堂，

3人以上就係團體，

學費$600 五堂，

我哋報名小朋友共六個，

原本諗住三個年紀大啲啲分一組，

細個少少果三個就另一組....

教練好好人， 

建議年紀最大兩個一組，

另四個就報團體，咁就慳少少學費，

然後再上商場web site (西九龍中心) 註冊做VIP 再享九折。

變相 Bryan $540 就可以學溜冰，勁抵!

點之上咗半堂，

Bryan 個細表姐因為表現出眾，

教練調咗佢去家姐果組，

Bryan 團體變小組，又著數咗，哈哈~~

呢個場比較細，

希望 Bryan 快趣學識可以去番 Megabox 個冰場一齊玩啦~

迪士尼聖誕2013

趁 Bryan 學校有教師發展日假期，

就同媽咪一齊請假陪佢去迪士尼玩，

因為我哋紅卡聖誕假期冇得入場架~~

入到場就先去城堡前影番張合照，

點知排到我哋時，

攝影師哥哥要休息閃咗去，

搞到冇人幫我哋楂機影合照，

先拿拿聲幫 Bryan 影張單獨照，

再叫媽咪企埋去影一幅....

跟住就到大合照，

由於攝影哥哥閃咗，

唯有托排後面o既女士幫手影，

點知......

完全唔得，嗚....

最後反而我要留低幫排後面幾 pair 人影相~

_______________

後面唔使排， 又影吓

新設一個講故事劇場，聽吓先.....

悶到爆... (大人來說)

專登等埋大街o既雪亮聖誕至走...

下次唔知幾時至再探訪lu，

同埋希望下次可以約埋表哥表姐一齊嚟玩啦~~

小腦袋、大發現 ── Children’s Technology Workshop 下集

上個禮拜 Bryan 婆婆慶祝出院，

請大家去荃灣漁屋食日本放題，

班細路就最開心。

食完發覺商場原來搞緊個什麼樹化石展覽，

就同佢哋去睇睇....

Bryan 成個大阿哥咁款 XD

之後去公園玩咗陣就帶 Bryan 同佢表哥去學砌 LEGO，

兩堂共兩個鐘眨眼就過，

兩表兄弟都話好好玩，

見 Bryan 都砌到彈弓臂就知~

無奈呢個課程原價貴咗啲，

如果再有團購優惠之類，

都可以考慮再比佢哋玩過o既 XD

最後同埋導師合照，啲導師睇嚟似 ABC，仲好後生tim

LEGO 狂熱

Bryan 已徹底迷上 LEGO，

因為我有好幾位朋友都鍾意玩 LEGO，

所以我知道如果沉迷上，

會係一件幾可怕o既事。

不過用 LEGO 嚟激起 Bryan 鬥心又幾好，

上學年 Bryan 做咗模範生，

送咗盒 LEGO 比佢，

佢鍾意到不得了，

今次考一，

我又同佢訂咗一個目標，

如果XX 的話我就盒佢揀好o既 LEGO 比佢.....

到佢知道成績果日，

Bryan 打比我，笑住話爭少少，達唔到目標。

我話點解你仲咁開心o既，

佢話佢都幾滿意呢個成績喎，haha

後來 Bryan 喺屋企拎番暑假喺關西間outlet 拎o既 LEGO 目錄嚟睇，

搵咗平目標物一半o既 LEGO，

央求我買比佢當係鼓勵佢，佢話都知之前果盒我實唔會買，

所以揀盒平啲o既 XD

咁啱果日有朋友 whatsapp 我話我知荃灣有 LEGO 店開倉，

又咁啱有佢後來揀果盒，

結果最後都敗咗盒比佢

其實我之前訂o既目標係有啲刁難佢o既，

今次佢都算做得唔錯o既，

希望 Bryan 繼續努力做好啲啦~~

 

PHOTOBOOK 2012 到啦~~

愛卡堂相冊加咗價，為咗減輕成本，

要麻煩阿哥同事喺大陸代收件，然後阿哥上大陸幫我攞落嚟...

真係辛苦晒，本嘢真係好鬼重架。 

 係咪好有霸氣呢~

原來有相架送

第二日拎埋上次果本落樓下草地影相，

點知草地啱啱洒水，唯有喺長椅影兩張啦

 兩代同堂

唔記得影書脊，失策!

做過特大號相冊，返唔到轉頭，

恐怕以後都要繼續大大本做落去 > <