製定了Google map，自然要買一張上網 SIM 咭。
日本上網，考慮了以下三項
1. 中國聯通的櫻花咭網上價$248，15G ，有效期7日，唯限速384kb，
只比B-mobile u300 快少少，
而且上不到中國禁制的網站，例如 Facebook，所以就不考慮了
2. Pocket Wifi通常租用 $70-80 一天，最多可供十部機同時上網，
4G，所以上網一定快，
但今次旅行要去8天，租用比較昂貴，
也不考慮
3. B-mobile有 u300 限速但無限上網和 1 GB 數據用量但不限速可選。
遊客版的話價錢一樣是 3980 YEN，有效期14天。
b-mobile VISITOR SIM
上年去東京選了u300，當時還是 2980YEN 兼有效期30天。
現在價錢貴了，有效期卻縮短。
要選的話自然要新加入免開通的 1GB PREPAID SIM，
基本上幾天旅行，如果不上YOUTUBE或上動新聞之類，
應該足夠有餘。
當我立定主意買1GB SIM，
發覺我住宿的東橫INN 竟然沒有e-mail，
那我就不能通知他們幫我代收郵件了，
雖說拒收郵件機會不高，不過還是小心的好。
然後我就發覺 yahoo bid 有b-mobile 卡發售，
和旅客版不同，他們出售的SIM 需要用日本手機開通。
但賣家大多免費代客開通，
更好的是，這些SIM 的有效期是30天，
換言之，旅行回來若有數據用量剩餘，
可以出售轉讓，互惠互利。
話說，一下機可即刻上網也相當爽哩
自從有了智能手機，我就不帶旅遊書去旅行了。
我會先將需要的資料製備PDF 檔，然後存入手機和平板電腦，
需要什麼資料因人而異，在我而言，
我會將打算去的食肆、觀光地點記下地點 / 網址等，
還有將有關圖片一併記下，到有需要向日本人問路的話就十分方便。
另外，就是記下火車地鐵的時刻表和乘搭方法，
有好多網站有日本路線圖和時刻表，
以下是其中一個http://ekitan.com/
除製備PDF 檔，我還會製定Google map 【我的地圖】
因我認路比較差勁，有在線地圖尤為要緊，
製作方法非常簡單，
若大家用 ANDROID 手機的話都應該有個 Google A/C，
只要在PC 去到Google 網址登入這個 A/C，
然後在 "地圖" 裏新增一個 folder (例如大阪自由行)，
再輸入想要去的地方地址，
當你人在旅遊地點在線時，便找到方向了，
大家不妨試試，真的十分實用!
以下是我今次旅行製作的我的地圖
o係Q立方填完表比完錢，Bryan 就爭先叫職員哥哥同佢戴上手帶，
然後好快就不知所踪，
入到去見到佢原來已經拎咗長衫長褲著
(Q立方規定要著長衫長褲，場所有衫可以免費借穿)
仲記得上年Bryan 同表姐去童夢天地玩，Bryan 立心挑戰直角sir 滑梯，
點知最後膽怯臨陣退縮、好唔甘心眼泛淚光個樣....
今年o既佢終於成功挑戰，
佢好開心，我都好開心，
個sir 滑梯設計真係幾得人驚o架，我要比十個叻 Bryan 
因為時間關係，唔可以玩足兩小時，
Bryan 唔係幾捨得走，
冇辦法，為食三哥話要去福隆新街搵食...
我哋由威尼斯人搭接駁巴去粵通碼頭(近新馬路)，然後行去福隆新街...
途中聞到好香杏仁餅味，原來係"最香餅家"，
佢哋用炭火整餅，唔通真係會香啲?
吸引咗大家買吓手信
跟住就去咗上年嚟澳門都有幫趁o既祥記麵家，
佢o既雲吞蝦籽撈麵真係好味，同我喜歡大埔o既平記麵家有得揮
然後為食三哥又捐窿捐罅咁搵咗檔街邊夾仔餅/雞蛋仔檔，
見到檔口好多人圍住，好好生意，應該幾出名吓....
雞蛋仔新鮮出爐好正，頂呱呱
o係呢個時候，相機冇電....
係兩舊電池都冇電，出發前明明叉滿o格，又唔係影得多相。
最後至發覺，原來雜嘜叉電器壞咗，非常好彩，o係出發日本前發覺，
唔係就冇得拍 video
冇相交代，草草講吓行程算...
之後我哋行去八佰伴方向搭接駁巴去銀河，
方便行去官也街食晚飯。
原本為食三哥提議食譚家翅，可惜佢哋店面太細，我哋人太多，
老細話我哋要分批入至得，唯有放棄。
卒之幫趁咗誠昌，
呢間以水蟹粥聞名，但聽講好似易咗手，
水準下滑，
食完大家都覺得不過爾爾。
行程最後一站就係去鉅記買手信，進貢咗唔少。
雷門澳門之行就o係嘻嘻哈哈聲中落幕，
唔知幾時再有機會咁疊馬一齊出去玩呢?
