2013年4月26日 星期五
BECOME IRONMAN!
知道希慎廣場有 IRONMAN 展覽,
但一直抽唔到時間帶 Bryan 去睇睇...
直到呢個禮拜終於可以去欣賞吓啦
出發時留意天氣預報話會落雨,
加上估計會有好多人,所以冇帶相機去,
而家都有少少後悔,因為我部手機o既影相質素真係....
_____________________________
去到展覽場地,真係好多人
都預咗,星期日嘛....
HOT TOY 啲手工真係好堅,勁靚!
4/F 空中花園仲有展覽,屬 IRONMAN 另類創作
是日仲有樣嘢幾期待o既,
就係比 Bryan 玩商場入面o既 IRONMAN 體感遊戲,
要玩呢個遊戲,要先喺呢個商場消費,
然後用張單換遊戲券。
我哋原先諗住去誠品買啲文具,
但係冇發現。
於是去咗 FOOD COURT 滿記買杯飲品搞掂
排隊期間,睇住其他小朋友玩,
小朋友們得意舉動不時惹嚟哄堂大笑,
邊笑邊等,好快就輪到 Bryan,
斬吓眼仲變埋 IRONMAN
玩完遊戲,職員比咗個 NO. 我哋,
話五日後可以上指定網站依番個 NO. download 番相片,
(我朋友話佢哋只係等兩個鐘就有得download)
等咗幾日,終於有得download,
但係發覺竟然冇 Bryan 除咗面具、穿晒成副盔甲o既相
唔通啲相炒咗,所以冇 upload 上去??!
雖然動作係 Bryan 嚟o既,但係要呢啲相有乜用呢...
搞到我想帶大機去多一次 XD
【完】
2013年4月23日 星期二
可愛 TWINS ~ FELICIA & WAVERLEY
2013年4月15日 星期一
行山樂
Bryan 蓄勢以待
呢排枕住落雨,
好彩呢一日冇落雨,陽光又唔猛,行山啱晒
有個熱心女狗主主動話幫我哋影大合照,真係唔該晒~
影完相我哋又同佢隻狗仔玩吓,可惜狗仔淨係顧住隊草
行行吓傳來一陣宿臭味,
原來有人養咗一大批黑草羊。
發現有一家三口o既黑草羊望住我哋,
四伯娘話好似我哋一家三口
咁過癮? 咁就要近距離望吓啦
黑草羊以為我過嚟餵食,即時擒上嚟
其他羊見狀都蜂擁而來
呢隻頭紮紅繩唔知代表乜呢?
呢幅相,大家有冇發現奇怪嘢?
望真啲?!
成棵樹都係,見到都毛管戙
呢次小試牛刀,行咗一個圈仔,
用咗兩個幾鐘頭....
下次挑戰遠少少o既,
見到士多,買杯雪糕先.....
呢次行山相,係用大哥o既 SONY RX-100 DC 影o既,
似乎質素都唔錯噃
【完】
訂閱:
文章 (Atom)