上周五 Bryan 約咗好耐冇見老友仔一齊頭入黑色世界。
萬聖節主題係我認為迪士尼一年之中至好玩...
睇 Bryan 咁雀躍就知啦
趁朋友仔未到，行吓商店睇吓有乜精品
指定項目係試造型
卒之等到老友仔 羨瑤來啦
等睇巡遊期間，有唔少喪屍行嚟行去等同大家合照
睇慣平時巡遊，夜光鬼魅巡遊別有一番風味
Bryan 今日挑戰咗新環節黑色馬戲班，可惜嚇到餚晒底....
結果玩大街詭異酒店全程闔埋眼，
最吹脹係出嚟第一句就話︰唔驚喎，一 D 感覺都冇
是日等睇巡遊、趕食飯、玩遊戲，冇時間影相，
短期內再去一次影餐飽
【完】
終於的起心肝處理關西旅行 photobook，
今次沿用番上次幫我印 Singapore Trip 愛卡堂，
原因除咗較平之外，
仲有頁數上限大好多...
雖然網站內顯示最高頁數係 100 頁，
但負責人 E-貓答覆我話用什麼蝴蝶精裝的話再多幾十頁都冇問題，
希望冇吹水啦。
始終如果印上下兩冊好似怪怪哋咁....
點都好，呢次印費恐怕相當甘吓.....
9月17日‧星期六
我母校搞咗個開放日
由於都打算同 Bryan 首選報讀，
於是就同 Bryan 行一趟參觀吓。
而家校舍當然唔係我以前讀果間啦，
事實已經搬過兩次竇，
而家校舍位置最近我屋企，
行十零分鐘就到。
同 Bryan 匆匆行完一輪，
我有恍如隔世感覺....
而家讀書環境同我以前差太遠喇，
家陣 D 細路實在太幸福了....
我問 Bryan 覺得呢間小學 OK 唔 OK?
Bryan 初步對我表示唔錯，話間校舍又大又靚（佢係同佢間幼稚園比 )
中秋節翌日，例牌假期。
我哋一家加埋兩個姨甥去咗假日農場玩
雖然佢網頁話需事先預約，
不過打過電話去問，
walk in 入去玩都冇問題。
我哋依網頁交通指引教方法搭小巴再行去農場，
點知去到發覺原來有好多分叉路，
最慘係冇路標指引，
我哋都係是旦撞一條行、遇到原居民又問吓路咁，
結果都試過行錯路打回頭
最後我哋決定跟喧鬧聲方向行，
好不容易終於到達農場...
入場費盛惠60大元，
門口阿姐話滑梯飛氈之類遊戲要點幾鐘至開始，
於是我哋就四處遊覽吓先
買魚糧餵吓魚
所有遊戲都係手工造，感覺好 RAW 又好玩
呢個時候聽到廣播話遊戲啟動，可以過去 SIR 滑梯玩飛氈...
班嘩鬼即刻話要過去玩
先玩樹屋滑梯
玩幾勻 XD
吊籃都好似幾好玩
倒轉咗
落地又跑去玩多轉樹屋
跟住係戲肉
激波船
震盪高搖板
工作人員都話佢哋員工放工都成日偷呢個，好好玩~
親子樂飛馳
同埋爹哋、媽咪玩又得，自己玩都得
阿拉飛氈.... 呢個激得多，Bryan 思前想後至夠膽玩
負責人話齋，挑戰咗一次之後就勇氣大增啦
廣播聲又起，通知星球大戰開始咗啦
於是班嘩鬼又拿拿聲趕去
星球大戰係乜東東呢??
其實只係將 D 波拋入 D 設置好位置桶入面，
不過見大班細路、無論拋同去下面執波都玩得好開心
等咗好耐佢哋至肯去其他地方行行
假日農場都幾多嘢玩，
細路一定玩到樂不透支，
下次一於班多 D 人馬再玩過
【完】
中秋節快樂!!
中秋佳節，
公司放早兩個鐘。
放工拿拿聲趕返屋企帶 Bryan 出沙田食晚飯兼睇花燈
揀定咗呢間....
一直以為叫火頭山，原來係山頭火至啱
六點半取籌，七點入座
我點咗麵鼓拉麵，味道尚可
呢隻流沙雞蛋要 $12，味道 & 賣相都唔錯
食完拉麵趁史諾比樂園未關門，
就比幾個馬騮去玩直到打烊....
玩完行去中央公園，只見人山人海
人叢中有一對男女似係推廣玩具，
係咁招引小朋友拎上手玩，
佢哋唔係即場擺賣，
只係講我哋知呢個玩具喺玩具反斗城同 7-11 有售
Bryan 玩得輪輪盡盡，最後亂 fing 一通
Bryan 手上反斗車王燈籠早喺一個禮拜前已經一見傾心，
我直到呢一日中午逛灣仔玩具街忍唔到手買比佢，
原來正日買都算尾水，平咗十幾蚊
班馬騮對睇花燈興趣一般，
最後都係放咗佢哋去遊樂場玩
影咗幾張相算係交代 lu
【完】
