2009年11月24日 星期二

2009年6月18日 星期四

悠遊海洋公園 OCEAN PARK


 
迪士尼就去得多,Hoyin 3歲多只係去過兩次...
經 Hoyin 親口證實,都係迪士尼過癮d...



狀甚無奈....

整幅全家福先~

呢個海獅好得意,把扇去邊佢就游去邊,
Hoyin 當堂變左指揮家,玩得好開心...
呢次去OP 真係有D 嚇怕左我,實在太多人啦,尤其多自由行
所以最後都係決定唔買ANNUAL PASS,一年最多去一次就夠了...









2009年3月22日 星期日

悠遊東部華僑城



預先慶祝 Hoyin 3歲生日,兼要同印印出境一次,
於是09年3月21日,舉家悠遊東部華僑城...... 點知....
我地事先去永東旅行社買左三套巴士+入場門券 ( Hoyin免費 ),
上車地點就喺屋企附近既帝廷軒,非常方便。
是日,順利上巴士去落馬洲過關,過完關就轉搭另一部永東巴士去東部華僑城。
過完關,見到大部份同車人士都搞掂,
只差我個印印... 以為佢填漏野,
點知有個關員出黎同我講,落地簽證只限羅湖 
下,咁咪蝕左幾舊??  冇辦法,只怪自己唔check清楚,
跟住唯有叫印印打道回府,我就抽埋佢個背囊....


以為件事告一段落,點知一個貌似關員負責人既男人走出黎,
同我搵永東既人,個高級關員同永東既人講,
係邊個車個冇簽證既人黎既,永東果邊D人當然一頭霧水,
只可以答係個司機囉,高級關員喝令佢地叫番個司機返黎,
永東人士答話個司機應該返左香港喎,
高級關員話佢唔理,一定要佢返黎。
我當時心諗,關個司機乜事?
真係無辜辜..... 又諗,我地咪起碼要等粒幾鐘要走得??
點知意外之中又有意外,個關員突然同永東人士講,
人地黎旅行玩架,你地快D 安排人上車去目的地啦......
就咁樣,喺小意外既情況我孭住重甸甸既行李一行三人去東部華僑城


抄北海道七彩花田






抄大峽谷




六本木地標??



呢個木製兒童遊樂場我幾喜歡



玩到呢一刻,Hoyin 都頂唔緊要抖抖了....



總括黎講,東部華僑城真係好鬼大,仲要不停擴建。
佢入面包羅萬有,即係左抄右抄.... 
以呢個價錢黎講其實相當抵玩,
如果鍾意影相既朋友我更加誠意推介,肯定滿載而歸