頑遊名古屋‧岐阜‧三重12天自由行2015 DAY 7 托福橫丁‧我喜歡

跟住就嚟到托福橫丁，

猛暑當頭，

介紹大家食個赤福冰先~

依然覺得好味~

總諗起草津果間7-11

因為預約咗牛銀食晚餐，

我哋又過於謹慎，

未行足就搭巴士離開lu，

可惜....

同前年一樣，

我哋係宇治山田駅落車行吓，

呢個站外觀幾堂煌

比 Bryan 發現呢部嘢，

即刻央求入錢比佢玩

呢個套好似買飲品送，即用

夠鐘，

去食松阪牛啦~~

【待續】

頑遊名古屋‧岐阜‧三重12天自由行2015 DAY 7 伊勢神宮

CAN BUS 到達伊勢神宮 (內宮)，

我哋就去搵嘢食。

離巴士站好近有間食堂，

望吓個招牌餐牌就比佢吸咗入去。

入去見到有掛住證明書，

標榜用真正松阪牛....

老板問過、知道我哋係香港人，

仲識用廣東話同我哋講 "你好!" "多謝!"

真係勁~

我都要同佢講 "o i shi i" (好食) XD

熟晒路，

喺進入伊勢神宮前，

Bryan 引領大家去洗手，haha~

 參天巨樹

【待續】

頑遊名古屋‧岐阜‧三重12天自由行2015 DAY 7 二見浦夫妻岩

呢次帶隊重遊三重縣，

當然唔會同上次一式一樣啦，

搵個地方值得推薦大家去，

我又覺得重遊都唔會悶嘅，

第一個諗到嘅就係鈴鹿賽車場，

另外就係伊勢神宮 (其實正確啲應該係托福橫丁 XD)

呢次加插一個景點上次冇去嘅，

就係夫妻岩。

去夫妻岩，

喺伊勢市駅搭CAN BUS 就到

落車會見到水族館，

穿過隔離土產街就去到夫妻岩

 我哋都有喺呢度買手信

成功奪得吹波糖

呢壇嘢就係夫妻岩，

我懷疑搵條大麻繩，

喺香港東坪洲都可以造兩三個....

咁一場嚟到都要拍照留念嘅...

喺土產街詢問處問咗往伊勢神宮嘅巴士時間表，

 就行街買手信，

然後預番時間搭巴士。

(往伊勢神宮巴士，就喺來程落車處對面馬路，過條天橋就係)

【待續】

頑遊名古屋‧岐阜‧三重12天自由行2015 DAY 7 松阪東橫INN

今日嚟到第7日，星期六，

又要離開名古屋東橫INN 外出住一晚....

因為當日預訂東橫INN，

唯獨呢日爆滿訂唔到房。

搵過附近酒店，

可能周末關係好多都客滿，

何況我哋要BOOK 四間房....

就算有，

價錢亦相當貴，

曾經諗過索性去鳥羽住一晚溫泉旅館，

因之前住過亦相當滿意，

但旅費會大增。

最後搵到東橫INN 松阪分店仲有空房，

反正同伊勢相鄰，

我哋會去遊覽，

於是就預約了。

我哋一如以往，

寄存行李拎咗輕便行李先去松阪 check in，

然後至出發去伊勢。

搭地鐵途經星巴克，

比佢嘅夏日水蜜桃特飲吸引，

幫趁吓先

 真係幾好飲

我哋坐近鐵去松阪，

嚟到名古屋第二日已經劃好位，

順帶一提，

我哋用嘅近鐵五日券香港東瀛遊有售。

 已經忘記上次入住房間係點，

可能對新幹線口果間有啲不滿，

望落呢間當堂覺得寧舍清新，

有驚喜XD

 【待續】

頑遊名古屋‧岐阜‧三重12天自由行2015 DAY 6 綠州21 OASIS 21

我哋趕喺日落前去到綠州21，

呢度離榮好近，

都係同一地鐵站落車。

上到去 "水之宇宙船"，

好彩雨勢已停，

仲有黃昏美景

美景當前，

梗係要有全家福

記得前年嚟，

綠州21 廣場中央地帶有立體迷宮玩 (要付費)，

今年就玩喪屍鬼屋，

呢隻喪屍行嚟行去又喪叫，

想吸引人入場

最後姨甥女拉埋佢表哥入去玩，

結果佢慘叫聲聲震全場，

仲恐怖過上面呢位仁兄 XD

晚餐就喺呢度嘅 廻転寿司 にぎりの徳兵衛 解決。

呢度夜景都唔錯

【DAY 6 完】

頑遊名古屋‧岐阜‧三重12天自由行2015 DAY 6 喪行大須商店街

跟住我哋就嚟到大須商店街，

先祭五臟廟先~~

其實同日本其他商店街分別唔大~

女仕們主力逛藥房，

我同 Bryan & 姨甥就睇吓波鞋，

我同姨甥行咗4、5間波鞋鋪，

返到去藥房，

佢哋竟然仲喺同一層地方睇緊....

情況有啲不妙.... XD

 Bryan 手拎住呢包嘢係商店街有人免費派發，

拍打落去就變成類似冰枕，

涼浸浸可以解熱

仍在藥房shopping 中，

Bryan 都話腳仔軟，

女人喺呢度發揮驚人嘅韌力。

旅行前，

隨行嘅姨甥女猛叫我幫佢搵 100 yen 店，

資料搜集所得，

呢間頗有口啤，

而且大須商店街有分店

呢間商店冇深究係賣乜，

好似只見少女出入，

門口設計跟番個名，

非常嬌小，

見啲女仔出入都要烏低身，

好過癮

當女仕們買到心滿意足，

又係時間去下一個景點~

臨別去隔離大須觀音寺影相留念~

有時見網友問人，

呢度可以逛幾耐? 果度逗留幾耐至夠?

我覺得好難答。

好似呢度，

我前年嚟行咗半個鐘都冇，

今年就行足4個鐘， haha

【待續】