頑遊名古屋‧岐阜‧三重12天自由行2015 DAY 1 ESCA地下街 - 備長鰻魚飯

同日本其他地方地下街一樣，

縱橫好多小店。

Bryan 一直嗌住話肚餓，

又話好想食鰻魚飯....

好啦，

見地下街剛好有間出名鰻魚飯店，

就試吓啦

名古屋備長 - 鰻魚飯

我哋一行9人，

等咗大概半個鐘就有位

直覺同之前試過嘅蓬萊軒不分上下，

都係好好味。

鰻魚狂 Bryan 好滿足

食完飯再去名鐵百貨繼續行，

有無印良品

同 名鐵吉祥物 NANA 合照一幅先，

話說兩年前同佢竟然緣慳一面，

真係神奇。

今日 NANA 係著泳裝....

返酒店 lu，

再兜兜地下街睇吓仲有冇鋪頭可以逛吓...

呢間有賣手信嘅店鋪有自助枝裝汽水機~ 正!

仲有幅版畫比大家影相留念，haha

【DAY 1 完】

頑遊名古屋‧岐阜‧三重12天自由行2015 DAY 1 出發囉~

今年日本之旅決定得比較倉猝，

只得一個月時間準備，

要火速決定去日本邊度 (對! 因為日本大家都會歡迎 XD)

最後決定再次踏足名古屋，

因為去過，帶隊比較有把握，HAHA

 今次坐HK Express，

個人覺得OK o架，

座位唔算太迫，

又僥倖坐幾次都冇delay 情況

到達名古屋啦，

去名鐵換飛

(近鐵五日券wide pass附送來回機場/市區車票)

到名鐵名古屋駅，

到達後，

先到酒店check in，

冇錯....又係佢，東橫inn

上次嚟名古屋係住櫻通口分店，

今次原本想住番呢間或櫻通口本館，

可惜都預約滿了，

見名古屋新幹線口有房間就即book

住完至發覺，

呢間係我住過嘅最差的.....

早餐不合口味，

最大問題係沖廁時會傳出臭味，

我哋同團友住兩層 (7/F & 8/F) 共4間房都有呢個問題，

唔通因為咁所以時間咁緊迫都BOOK 到房?! 

 著名嘅千里馬藥房就係左近

 去ESCA地下街行街兼食晚飯lu

【DAY 1 待續】

STARS WAR 之冇事復仇

某日朋友話時代廣場有搞作，

關於STARS WAR的，

因為係先到先得，

連隨跟住報名。

最後告知所選時間有位....

到咗當日，

我完全忘記咗呢件事 XD

好彩當日朝早有關方面打電話提醒，

由於家住新界，

要立即換衫出發，

去到時代廣場啱啱好時間，HAHA

眾多絕地小武士試練一次，

然後就同黑武士對打，wow~

之後仲送 Bryan 好喜歡嘅 LEGO 小禮物，

開心死~

聽聞鉅作推出時，

仲有類似嘅宣傳活動，

到時又玩過~

マジンガー 鐵甲萬能俠

細個好鍾意鐵甲萬能俠，

知道有佢嘅展覽，

即刻帶 Bryan 去影番輯， 

呢輯相算係近年罕見、專誠去影嘅作品，

去片~

呢排網誌更新得比較密，

係因為旅行歸來，

準備出油雞 XD

MEGA BOX 溜冰樂

呢日原本帶班細路玩聲稱全港最大吹氣堡壘，

去到MEGA BOX見到實物，

一班細路大失所望，

話不如改為溜冰好過....

見有時間剩，

問佢哋仲想去邊....

佢哋商量後決定去踩單車，

吐露港停低留倩影 XD