2012年2月28日 星期二

悠遊澳門【上】

上星期幫姨甥過澳門影 pre wedding,

姨甥訂咗晚威尼斯人酒店比我休息,

真係窩心。

之前老婆屋企人想約年初四過澳門玩返兩日,

最後因為房價太嚇人打消念頭...

呢次乘勢撩番佢哋過澳門,

最後 我 BOOK 多晚酒店、不過唔係威尼斯人,而係16蒲...

其實都唔平,

齋房價都要 $1800,

本來諗住澳門酒店競爭越黎越多會平番D,

真係錯晒

至於影相當日,

早聽過威尼斯人D房超大,

我一個人點住得晒呢,

況且我又好怕寂寞

於是叫老婆提早兩個鐘放工,

帶埋 Bryan 過澳門搵我,

過到嚟食晚飯時間啱啱好,

之後又可以幫我燈 (呢次 pre wedding只有攝影師即係我同姨甥一 pair 成行)

夜晚返到酒店房,

Bryan 見到間房咁大就顯得好興奮....










個偏廳都好大下





自拍全家福







因為第一日拍攝遇上大霧,天氣麻麻,

加上我哋唔係晨早出發,

所以去唔齊原先想去果三處地方....

第二日我同姨甥佢哋繼續影相,

Bryan 佢哋就同表姐們會合...

到咗下晝,

大家會合後就去官也街掃街食嘢,

然後去十六蒲 check-in 兼等埋最遲出發果家人,

Bryan 同佢對表姐不停催促我哋快D 去Q 立方,

仲話唔使等遲到果家人都得

.....遲到好過冇到,卒之到 Q立方啦

















冇錯.... 佢哋個幾鐘時間基本上只係不停玩呢條sir 滑梯,佢哋話超級好玩喎




玩完即刻飛的去金都準備食自助餐....

我哋晨早預訂咗金都自助餐,

因為好抵食,

點知臨出發前幾日收到電話,

話金都自助餐比人包咗場,

問我介唔介意轉去同酒店雨點餐廳食自助餐,

我問係咪同食物同價錢??

果個人話係,

我心諗仲好,有得試新嘢,

之後上網查一查,

發覺雨點餐廳仲有 LIVE BAND ~

等我哋到達雨點餐廳時,

先到達、之前食過金都自助餐親戚已投訴,

話食物選擇少得可憐....

基本唔使巡視,

就咁睇食物吧台已經同金都差天共地....

同經理投訴,

經理話開張呢幾日已經接咗唔少投訴,

佢話呢度地方細D,

已經盡量加添食物,

不過都明白點都唔夠樓上豐富,

叫我哋等到夜晚九點,

個 LIVE BAND SHOW 好精彩,

又或選擇離開都冇問題,

呢個經理深明大義好難得..... 不過我哋都係選擇離場

有兩個提早入場話已經食到半飽,

賺番晒咁咁

卒之最後跟咗旅遊書推介,

到咗離酒店十零分鐘路程六記粥麵醫肚









實在太肚餓,

我哋除咗嗌麵仲幾乎點勻佢 D 大圖推介

個人意見﹕所有食物都幾好味道,尤其雲吞真係皮薄饀靚 (可能餓肚關係),

佢招牌蝦籽撈麵個人覺得,大埔街市平記比佢出色得多~~











食飽飽返酒店休息,

約咗D 親戚去十六蒲個賭場碰碰運氣,

結果大敗收場






【待續】

2012年2月22日 星期三

林瘋(Linsanity)







近排全球掀起林瘋熱,

我對籃球興趣不大,

所以冇乜感覺....

不過今朝睇見呢幅林瘋漫畫,

有令我血脈沸騰感覺....

井上雄彥,你快 D 推出男兒當入樽 PART II 啦~~

2012年2月20日 星期一

屯門一日遊

家姐間中學有一個傳統項目 -- 千人舞,兼有攤位遊戲等....

叫我帶 Bryan 去參觀一下...

反正當日未有約會,

就帶 Bryan 過去玩玩,

而且又可以順便去埋餵馬







首先去超市買包甘荀....



本來班小馬係食緊草,一見我哋行近,

就自動行近鐵絲網等我哋餵食~








我拋...





圖中右面小馬身形較大,係大阿哥,佢會踢開其他馬仔搶食...





呢隻白馬比較細粒,比其他馬仔擠去後面,

Bryan 鋤強扶弱,吼準機會餵甘荀比佢食







擔番口大雪茄....















餵嘢食期間見到有一家人,分咗D 甘荀比佢哋,

所以話咁快就餵完,下次買多包嚟玩過先

跟住到屯門某中學參觀千人舞,果然幾墟冚,

原來呢隻舞係佢哋學校傳統,年年都係用同一首歌 -- 林子祥狂歡,

呢首歌係我年代,我個人覺得揀得唔錯

見唔見到 Bryan??





約咗屋企人留喺屯門食晚飯,

帶咗 Bryan 去附近屋苑遊樂場玩...

真吹脹,見我收晒相機就無厘頭叫我拎出嚟幫佢影相


















【完】

2012年2月19日 星期日

牛一

早幾日,小弟牛一,

老婆請咗我同 Bryan 出去大擦一餐,

我同 Bryan 講﹕關你乜嘢事?? 做乜跟埋嚟,又唔係你生日....

Bryan 話﹕我要跟住你哋.... 唔好撇甩我呀..... (笑死我 )

夜晚喺房剪緊片時候,

Bryan 捧住個蛋糕同我唱生日歌,

真係開心...... 多謝老婆、多謝乖仔~~



















































































多謝我的至愛~









2012年2月14日 星期二

Playhouse @ Whampoa Garden

上禮拜當羲羲生日會完畢後,

諗住同班嘩鬼上去 Mega Box  Playhouse 玩,

點知輪候人數眾多唯有放棄,

為免班細路失望,

就約定順延一星期去黃埔 Playhouse 再玩過....

約會前幾日,

Bryan 猛咁提醒我一定要帶佢去.....

佢話因為聽到佢老友碩碩個媽咪應承咗佢囝囝一定會帶佢去所以佢又要去喎







一見到面就糖黐豆,真係老友鬼鬼







四個未識行就相識,難得聚首一堂





表姐都嚟埋,Bryan 加倍開心啦





開心到彈起










































【完】

2012年2月6日 星期一

羲羲六歲生日會

Bryan 老友之一 -- 羲羲六歲生日,

喺 MEGA BOX 老麥搞咗個生日 party,

我一家有幸被邀,

Bryan 有得食、有得玩,仲有禮物收,

梗係開心啦....

再次多謝 lamson 邀請,

令我哋度過快樂周日~~




生日會就可以令老友聚首一堂


麥當奴小姐安排遊戲,有細路大嗌 "玩過啦" XD


壽星仔都好投入








呢個遊戲叫 "麥當奴叔叔話...."






派禮物時間,似唔似趕返鄉度歲民工?








靚女超儀制止一個非壽星小朋友吹蠟燭,好搞笑 XD








lamchai,happy birthday~~