不過都要碰下運氣，
團友去搞入住安排 (book到東橫INN，lucky)，
我就拎膠紙地蓆去佔位，
大街一如所料，已無空位，
沿巡遊路線一搵，
去到青森市立橋本小學前面見到有吉位，
其中右面據點已有日本人已用膠紙佔領咗，
不過我有啲狐疑，因為左右兩邊都係有料席，
中間位漏空比人佔比著數?
於是我問排緊有料席坐位嘅伯伯，
呢個位置係咪ok? 伯伯話ok
不過我鋪鋪下，有個著住工作人員背心嘅男人經過，
嘰哩咕嚕，我估佢係話呢個位置唔得，
我話問過人佢話ok的，
點知條友叫排緊有料席嘅leader，貌似譚玉瑛姐姐嘅人嚟，
男人同譚玉瑛姐姐講情況，
我見譚玉瑛姐姐指手劃腳好似同個男人解釋咁，
因為我驚連累阿伯比人鬧，
返去佔位位置準備執嘢離開，
點知譚玉瑛姐姐拉住我，然後拎部手機出嚟，
打開翻譯軟件，同我展開奇妙對話，
我問佢附近邊度可以佔位?
佢答而家非常困難，佢問番我今晚係咪住呢度?
我話係
佢然後問我9點離開有冇問題?
我R晒頭，祭典9點完，我自然9點離開o架啦，
我以為翻譯錯誤，
佢再打一次，呢次翻譯成英文，
意思都係一樣，
咁我答OK，
然後佢示意我可以喺呢度佔位.....
呢個時候，多事嘅男人突然搶部手機打咗句比我睇，
佢叫我20:50就要離開，
梗係冇問題啦，
我好客氣同兩位講多謝😊
呢張相係後來影嘅，我佔位嘅背後就係小學，
佔位嘅時候校門已封，照計冇車出入的說，
我哋返去嘅時候已經佔咗三列
安心晒就搵番團友，
原來佢哋已經喺青森縣觀光物產館，
跟Google map 指示而行，原來我搵位已經行咗接近2km😖
急步行返嚟，渴到死，呢杯嘢登時覺得勁好飲
買手信
之前去幾處地方，都叫老婆忍手唔好買住，
免得手信要抽來抽去，
我話你同同事講去咗日本東北，佢哋未必知喺邊，
但拎蘋果製品出嚟講去咗青森，就簡單得多😆
好多人排隊比錢，好似唔使錢咁
卒之買完，閃得
沒有留言:
張貼留言