【DAY 5】大移動到八戶、品嚐一心亭拉麵

返到仙台市，仲有少少時間可以行下商場

阿仔聲稱冇人阻止到佢買章魚燒

跟住返酒店拎行李，準備大移動，暫別仙台

車站又多咗啲佈置，愈來愈有祭典氣氛

第二天使用東北JR Pass

仙台 > 八戶

住本八戶嘅Super Hotel，八戶站可以坐JR 或巴士去本八戶，

因為有行李，巴士站比較近酒店，我哋選擇搭巴士，

好快就到達

擺好行李就去食晚飯，

原本去台灣Blogger酒雄介紹嘅居酒屋，可惜滿座，

老板娘仲特登行出門口致歉

行去屋台村彌勒橫丁望望

巡咗一圈，發覺每間店都好細，

店主同食客都好互動，不停吹水，狀甚老友，

我哋唔識日語好似唔多適合

跟住求其喺附近入咗間拉麵店，

呢間拉麵店叫一心亭

幾個凶神惡煞但好有禮嘅店員

碗麵感覺有啲似一風堂，都OK

日本炸雞好少會令人失望

【DAY 5完】