2019年12月17日 星期二
【DAY 4】東北夏祭の相馬野馬追 - 野馬懸
【DAY 4】29/7
晨咁早,租車店一開門就去攞車,
去福島睇祭典
鏡頭一轉,已到小高神仙附近停車場,
呢架車將會陪伴我哋兩日
有多個停車場,有充足停車位
步行一陣就到小高神社
免費派發嘅撥扇
祭典未夠鐘開始,
見到表演場地側有個草地,
有關人等輕騎踱步,我就拍下花絮
好得意嘅小朋友
影咗一陣,行番出去四圍逛下,
發現零零仃仃得一個檔攤賣嘢食,
為食嘅阿仔都有幫襯
各大師傅棟定腳架霸位,
其實我應該跟佢哋的....
遠處好似見到做緊祭祠儀式,行過去睇睇
好莊嚴,但係見到佢哋嘅裝束,
擔心佢哋會熱到暈倒😖
時間差不多,阿仔幫我掗咗個俟欄位,接近呢個評判席(?)嘅
騎士魚貫下坡......為一陣跑番上嚟做好準備😂
跟住有一班姨姨出嚟跳舞暖場,挺悶的
呢兩位責任重大,當有馬匹跑近民眾,
佢哋就會挺身而出揮動旗子驅趕....
可惜嘅係企正我前面😖
來了
然後,白衣人出場了,
佢哋冇手執籐條,好人嚟嘅
突然有個阿伯拎個超長掃把出嚟追打馬匹
走得摩冇鼻哥
馬匹中招,唔知痛唔痛呢?
輪到白衫做嘢
前面呢位叔叔如果唔係咁盡忠職守就好了
窮追不捨
終於捉到
當堂笑晒
領功先
唔知係咪有時間剩,捉多隻,
呢個時候都有唔少人開始離開,
於是我都移去大叔們個攝影陣地影相
謝幕
相馬野馬追係福島縣每年7月下旬嘅星期六、日、一連續3日舉行嘅祭典,
3日嘅表演都不同,其實我比較想去第二日嘅甲冑競馬,
即係武士騎馬競賽,感覺刺激啲,
不過野馬縣都不俗,而且只係花半天時間,下晝可以安排其他節目,
作為東北夏祭嘅頭盤,我挺滿意,影相都過足癮。
訂閱:
張貼留言 (Atom)
沒有留言:
張貼留言