【DAY 3】 砂丘會館

到達砂丘會館了，
之前我仲同團友們講，
睇村上san咁熱心，我哋又加插行程，
睇怕佢都要OT，
點知仲有3個字至夠鐘

正想落車比錢，
村上san叫我且慢，
帶我入去砂丘會館，
叫我哋租靴著，
同埋租locker擺放鞋子，
仲教我哋幾對鞋可以放埋一個locker，
可以慳啲錢😂

聽完村上san面授機宜，
我話而家我哋準備lunch，
所以可以了，
你已使命達成，收錢吧。
村上san好錯愕，之後好似好唔好意思咁，
原來佢誤會咗個plan，
以為要帶埋我哋遊砂丘，
唔怪得好似咁趕咁😂
如果佢真係帶我哋行，
真係可能要OT粒幾兩粒鐘，
即使咁佢都安排我哋坶不在行程之列地方落車影相，
真係唔話得，
另一位司機睬你都傻，
一早收咗錢閃人了。

雖然有少少誤會算係美中不足，
但我仍然對村上san十分滿意，
感謝😘

同村上san 告別，
喺砂丘會館入面餐廳食lunch先

食完飯睇定啲手信，
準備今日臨離開時買

屋企冇位放了，忍!