暑假玩玩玩- 又係迪士尼樂園

話說幾個細路去完 MEGABOX PLAYHOUSE 玩就通通過咗一個姨丈屋企過夜，

然後翌日一齊去迪士尼。

當日朝落大雨，大家仲諗緊取消，

最後為免掃班細路雅興，就決定照去，如果天氣太差，或者中途改去溜冰...

我同老婆樂園搵佢哋時，佢哋已經玩咗迷離大宅同灰熊山谷，

佢哋明顯唔知幾乎冇得嚟玩

Bryan 一見我嚟到，又想捉我陪佢哋玩 U型遙控車，

查實我對離心力強o既game 都有少少怯，無奈得我一個夠薑陪佢哋玩，

唯有捨命陪君子

反而最細兩個最勇，說服埋大果兩個玩..... 要留影一張紀念下


最細o既十五妹最可憐，乾睇阿哥同表姐表哥玩



甘小文畫風我幾鍾意，hehe



正式搞搞震冇幫趁...






森林河流之旅，意外唔使點排



卒之衝到散場至走....好累呀~~~

怪獸大學 @ 香港迪士尼樂園

6月28日‧星期五
呢日 Bryan 兩個表姐學校假期，入迪士尼玩。

Bryan 知道又話跟住去，呢期 Bryan 學校臨近暑假收爐，

每日 11:30 A.M. 就放學，

我哋搭巴士去青衣城，食完嘢.... 去到迪士尼都係2點左右。

勢估唔到呢日閒日都會有咁多人，

原本想做個怪獸大學入學証，但係做証條人龍真係嚇窒咗我，

於是去隔離條龍排隊，同大眼仔合照吓算數...



影完相，Bryan 就收到姨姨送o既手帶，喺迷離莊園間shop 買o既，

其實媽咪上次都想買.... 果然姊妹同心，

多謝姨姨~~



Bryan 難得主動要求買嘢，佢無厘頭想要件瑩光衫，

可惜佢老豆我不為所動, haha





呢日太過人多，極速礦車冇辦法破紀錄，

例牌拎快證玩太空山，

之後搵到樣唔使點排隊o既.... 原來兩個表姐都未玩過，就係動畫藝術教室

我哋好好彩，去到啱啱截龍，不過就要坐側邊


Bryan 都有一絲羞愧心，自知畫功差劣，唔肯比我影


借媽咪果幅頂檔至肯影


知道下一輪教畫唐老鴨，兩個表姐即話要 encore


呢次有位坐啦


其實 Bryan 可以行甘小文路線，都有市場吖


之後班嘩鬼話要喺樂園食晚飯，然後拼到完場，

樂園臨結束前陪佢哋玩咗轉極速礦車，又真係有 feel 啲喎。

佢哋話 7月5日大家都放假，不如又嚟過..... 吓，唔使咁密下話

香港迪士尼樂園大冒險家餐廳

續上文...
今日係閒日兼落大雨，卻意外地多人 (目測大部份係強國人) 。

我哋決定提早晚飯避過人潮....

順便試試迷離莊園入面o既大冒險家餐廳，

網上評價似乎不錯的說。

出乎意料，門堪羅雀....


大冒險餐廳網羅埃及、俄羅斯、摩洛哥、印度和中國美食，

亦依呢幾個國家設計唔同o既餐廳裝潢，幾有心思。

我冇留意餐牌，因為網上見有食家大讚海南雞飯，

一心嚟試吓佢~


呢個餐 $128，包一杯汽水，幾貴吓，

不過主題樂園o既食品預咗係咁貴，

質素不過不失，總好過海洋公園熊貓餐廳，又貴又難食

老婆就試咗蛋包飯


Bryan 就例牌叫兒童餐


我哋揀咗印度廳入座，因為望落啲櫈好似舒服啲



呢次試機同玩都唔夠喉，下次約埋考晒試o既表姐一齊嚟玩先~~



【完】

勇闖香港迪士尼樂園迷離莊園

迪士尼樂園新開呢個迷離莊園，Bryan 好恨嚟玩玩，

卒之等到考試最後一日，放早，就同媽咪帶佢嚟玩玩，慶祝甩難

可惜o既係天氣好差，落足成日雨，

我仲諗住好好試部新玩具家嘛

________________________________

入到園第一時間梗係去迷離莊園玩啦，


NEX 5R iso 3200 表現唔錯，開心~~



排咗半個鐘左右，yeah~ 有得玩啦


無軌式卡車類似東京迪士尼o既 Winnie the Pooh，

不過水準始終有距離，

但都好玩過香港版 Winnie the Pooh o既，


好奇怪，太空山、極速礦車、U 型遙控車都難唔到 Bryan，

但係玩呢個迷離大宅佢話有啲驚




趁雨勢減弱，我哋去咗錯覺藝術影吓相


又試吓我支魚眼鏡  


好難控制，但係好玩玩



玩完灰熊山谷極速礦車，我哋又排隊玩過迷離大宅，

因為有四條行走路線，要睇足唔同角度o既場面，

起碼要玩四次.....

結果我哋差一次就達標



【待續】