最矚目當然係果個啡色便便啦，
可惜一星期前爆咗，變成爛 X
但係都無阻我o既興趣，
趁周中勞動節假期，
我一家就去咗西九海濱長廊睇呢個展覽。
入場睇到通告話，
因為天氣關係，某啲展品會關閉，
包括我想睇o既巨石陣
當日下著雨粉，天氣未致大壞，
後來至知，原來早一日因為大風關係，全部展品都關閉....
我哋原來已算好彩，乳豬全體都仲喺度
小強都喺度....
乳豬可以排隊入內參觀，但係冇嘢睇o既，
只得幾塊乳豬片
好快就要從豬屁股出番去lu
小強旁邊仲有一個倒插人體，唔明代表乜....
因為天雨關係，雨水從屁股不停落下，感覺頗為核突
大家最關心o既"便便" 究竟點呢?
可以話比大家聽，仲未恢復原狀，
不過都仲有兩舊撐場，但就因未復原狀關係唔可以行近接觸便便囉
便便有臭味是常識吧
今日睇報紙話阿根廷藝術家將會於本周六展出"迷幻菠蘿包"，
有機會都想會一會佢....
暫時嚟講，下一目標應該係巨鴨吧
【完】
沒有留言:
張貼留言