RUBBER DUCK 瘋潮 - 你 duck 咗未?

RUBBER DUCK 來港，掀起瘋潮，

RUBBER DUCK 環遊世界，相信香港應該係最爆一處地方啩。

上周日提早慶祝母親節約咗去九龍區食晚飯，

於是一家都去咗趁墟。

去到現場，真係唔係講笑，超人山人海，

比之前 多啦 A 夢一百周年展更誇張，

我哋冇得停留，就順住人潮去海運大廈，

之後想睇睇展覽館，都依然勁多人排隊，

於是去咗頂層停車場影吓 RUBBER DUCK


可以睇到誇張人潮，DUCK DUCK 好受香港人愛戴啊


想同 Bryan 影吓相，好有難度，因為身後已經擠滿人，

好難褪後一步然後取景.....

冇辦法... 只好落一層停車場，

果然人潮大減，相信係因為多柱位遮擋，難影相關係啩。


將就吓，都叫做影到o既




其實好想o係下面近距離影吓 RUBBER DUCK，

有朋友話朝早八點左右去到冇乜人，

但係呢個晨早任務對我呢個住得遠又冇車o既人嚟講實在有啲困難....

---