小學雞

光陰似箭，暑假霎眼就過，

Bryan 正式成為小學雞

正式開學日前，學校開咗三日適應班兼家長講座，

我同老婆都日日捧場









第一日適應班，我哋一入到學校就收到編班名單，

家長按子女o既編班帶入課室。

由於之前 Bryan 伯娘代拎書簿時已告知 Bryan 係讀 1B 班。

所以我哋好快就喺 1B 班搵到 Bryan 個名.... 不過個名點解會少咁個字o既，太疏忽了吧

入到班房，同老師講 Bryan 個名少咁個字，

老師就叫 Bryan 自己喺張簽到紙補番個字上去。

見到 Bryan 就座後，我同老婆就入禮堂準備聽講座。

等候期間，我哋就拎番張編班名單睇吓 Bryan 經常掛在口邊o既好朋友編咗去邊班....

赫然發現.....

Bryan 全名出現另一班上

老婆連忙出去帶返 Bryan 去正確o既班房..... 據老婆講，

去到 1B 班已見 Bryan 企咗喺老師身旁，相信係正主兒到咗，

老師知道佢係冒充o既

事後同番 Bryan 講，第時當學校宣佈甚麼得獎名單時要聽清楚，

千祈唔好聽到兩個字就拿拿臨行出去











適應班的第二日



老師已派發學生証，返學放學要拍咭，

家長可入學校的內聯網查看子女的紀錄，幾先進喎~



9月3日，終於到正式開學日

比讀幼稚園時更要早起身



以後都要行返去學校，可以練吓腳骨力



一咭多用，學校雜費都係用呢張咭扣錢