之前無記日本旅遊節目見到已經好想到此一遊，
之後睇資料，
都係話只適合自駕，
因為地方隔涉，
有人宣稱官方表示，
不建議非自駕前往，
如要去的話，
要喺神岡車站再轉搭的士。
我都諗住放棄，
點知計劃行程時，
喺背包客棧見到有網友話搵到資料，
可以經網上預約參加鐵道單車遊，
套票包巴士及的士來回高山至神岡鐵道，
以及鐵道單車租賃。
>>>>Gattan Go!!<<<<
即刻拿拿聲加入行程然後預約，
點知上到網站一睇...
就好似上圖所示，
我 check 咗幾個月，
都冇圓圈 (10空席以上)顯示嘅?!
唔通真係咁受歡迎?
我哋一行九人，
都姑且試試，
果然話我哋預約人數超出剩餘名額。
我又用終極絕招，
就係又搵姨甥打電話去 book XD
最後果然 OK，
據講人數太多要電話預約至得。
*********************************************
坐巴士到神岡營業所，
已有的士等候，
我開頭以為要兩部的士，
原來有可坐9人嘅大的士
到站
未夠鐘，
食刨冰消暑先，
不過買嘢食地方冇冷氣，
好熱...
開始見到上一批遊客陸續回程
起程前要先聽簡介，
估計佢係話起程冇耐會有專人拍照，
回程可以購買照片...
同埋單車簡單操作
準備出發，
因為 Bryan 唔夠高，
要坐包廂冇得踩，
Bryan 難免有啲失望，
不過佢好快調節心情，
話咁都幾好玩。
天氣好熱，
踩入山洞涼風吹嚟好舒服，
好爽~~
Bryan 無所事事，
話要幫我哋影相
終於到半程，
單車要掉頭，
我哋亦可以享用免費青瓜抖抖
回程啦~~
單車係半電動的，
我完全冇諗過回程辛苦咁多嘅...
可能暗斜多關係，
真係踩到腳軟，哈哈...
返到終點，
即刻買支可樂解渴，
望吓入口處，
已見的士姨姨喺度等候。
噢，sorry 了，
等我哋買埋相先， HEHE
我去旅行喜歡安插啲比較特別行程，
呢個鐵道單車遊幾合意，
雖然有少少辛苦 (可能我少運動 XD)
大家去開高山可以考慮吓~
【待續】
沒有留言:
張貼留言