小學復活假期真係長，
Bryan 話好想去迪士尼 (佢真係好鍾意迪士尼)，
反正有紅卡，於是請咗日假帶 Bryan 去玩一趟。
Bryan 又話媽咪今日冇嚟，我哋可以淨玩刺激遊戲
一入園，Bryan 就好快走去灰熊山谷....
唔使排，連玩咗兩次至比我叫停，
等我影吓相先嘛
又有閃卡收，正!
當日迪士尼係好多好多人，但係兩樣比較刺激o既遊戲就冇乜人排，
我哋拎咗太空山 FAST PASS，望吓個時間隔幾個字就有得玩。
玩完太空山，見個個遊戲都擠滿人，
聽 Bryan 意見，去灰熊山谷狂玩極速礦車，
誓要破上次玩咗五次紀錄云云
突然嚟咗場驟雨，好彩 Bryan 有備而來
場雨嚟得急走得突然，仲有陽光 tim
Bryan 是日玩咗三次太空山、六次極速礦車，
破晒紀錄，仲要次次玩頭一卡，盡興而歸啦
Bryan 話如果呢次有埋表姐表哥陪埋一齊玩就十全十美喎....
沒有留言:
張貼留言