出發前夕行雷閃電、落雨好似倒水咁...
有啲擔心活動會取消，更擔心係去到先至取消
最後好好彩，29號當日竟然冇落雨
我哋先去愉景灣報到，然後拿拿聲趕入愉景北商場玩遊戲。
愉景北商場遊戲一點至開，而獵蛋比賽係三點正，
計埋搭車、集合時間，可謂分秒必爭
獵蛋報到有送一啲coupon，其中一張係可以玩愉景北遊戲，
幾個反斗星即刻用咗嚟玩迷宮~
遊戲券要喺商場消費滿$50 有一張，
我哋就先用獵蛋比賽附贈 $100 coupon 買 pizza，
再去惠康買禮券 (今年仲work )
咁就夠晒數玩啦
食件 pizza 再衝刺....
後面馬車本來話必坐 (捐款 $50，傳單有$10折扣即 $40 可影2分鐘)
點知後來趕巴士影唔到...
好彩喺外圍都有同馬車影番張
專登留一張券用嚟畫面，點知原來係免費
我哋同畫面小姐姐講話趕時間，嚟個精簡版就可以~
但係完成圖都好靚吖
呢張相影得非常匆忙，其他人其實跑緊去巴士站趕巴士
去到沙灘，時間啱啱好...... 好墟冚呀~~~
Bryan 聚精會神聽緊有乜嘢大獎..... 最後當然係冇緣啦
由於我係比賽期間至行去影相，可惜我落足眼力都搵唔到佢哋三個，
結果一張相都影唔到
最後結果令大家大跌眼鏡，
Bryan 以獵到6隻蛋力壓兩個表姐每人獵到4隻蛋贏咗牙骹戰
Bryan 同其中一個表姐加埋收穫
換到以下獎品
愉景灣呢邊都有遊戲玩，唔使錢，但係遊戲就比較小朋友啲...
呢度捐入去畫畫遊戲唔知有乜好玩，不過佢哋就狀甚興奮
好戲在後頭，Bryan 玩完成條褲同襪都變成彩色，抺餐飽~
之後都玩咗一兩個挺無聊遊戲，勝在有小小獎品拎番
總結：細路們話比賽幾刺激，愉景北遊戲又幾好玩，
或者出年會 encore 吧..... 希望愉景北商場開早啲啦，真係趕得幾辛苦
口痕友：抽到籤至算啦
沒有留言:
張貼留言