we 嘩! 充氣嘉年華 @ 荃灣廣場

堂家姐約 Bryan 去屯門某屋苑會所打羽毛球，

Bryan 聽到即刻話要去...

啱啱見到荃灣廣場有嘢啱 Bryan玩，

於是順道去屯門鬆吓筋骨


Bryan 暫時最高紀錄係連續擋三次球


同家姐、伯伯佢哋食完午飯就出發去荃灣廣場。

見到遊戲收費嚇咗一跳，使唔使咁貴...

但係一場來到，冇理由縮沙，

叫 Bryan 只可以選擇其中兩個遊戲玩

Bryan 揀咗呢個，佢一早就諗好要灰馬仔，

我哋排頭位自然揀到心頭好


$50 只係玩5分鐘，但係夠鐘時負責果位姐姐行開咗，

結果玩多分幾兩分鐘



呢個"請勿攀爬"位一直有家長同小朋友影相，隔離o既工作人員都冇阻止，

我哋都同 Bryan 影番張相留念 XD


去大家樂補充體力又戰鬥過~

呢次要上去 5/F 平台，有大大個吹氣堡壘，

有小丑魚同鯨魚兩個款式，據稱係意大利製造，

當 D 小朋友爬晒上去，個鯨魚口會合埋，幾過癮...


都係 $50 五分鐘


個口合埋，要等下一轉，

彈吓彈吓等啦唯有




影吓鯨魚尾巴先



同場有兩個小妹妹都好得意








好玩但又好貴o既遊戲，

據講暑假會捲土重來，呢次仲有個kid 模選舉，

只要以we 嘩充氣嘉年華做背景上載相片，

就有機會做到超級 VIP 免費任玩，

我都同 Bryan 報咗名，機會渺茫但希望中啦，

因為遊戲太貴玩唔起啊