作品回顧 の 單車小子2

 


架單車咁貴（對我黎講），梗係要影多輯至維到皮啦 XD
朋友話科學園搞左個攝影比賽，提議我去影。
記得大概一年前同 Hoyin 去過果度影，靜到好似死城咁…
不過冇人打擾影相確係盞
扑鎚決定，出發去科學園踩單車影相 lu 


影相當日，遊人都係唔多，
只係有幾批好明顯係準備參賽攝影人 

衝線~~yo~~


夜晚喺屋企樓下又影下


後記：
拎左幅作品參賽，僥倖拎到優異獎
雖然獎品只係SOGO 禮券200大元，
不過都好開心，話晒係我同Hoyin 合作完成作品嘛 

作品仲印製左喺月曆其中一頁度，感覺幾過癮…
之前參加冒險樂園既攝影比賽（又係優異獎）又製成月曆，
整張合照先 



小插曲：
攝影比賽曲終人散，不過有個小插曲幾有趣，值得記存。
話說比賽有個人氣大獎，即係得網友支持最多作品得獎，
作品刊登第一日，已見領先幾位朋友得票過千 
我 facebook上朋友都係僅僅過百，叫晒佢地支持都係side gas…
所以都冇通知朋友支持
如是者，經過幾日你追我逐，領先幾位都爭持激烈，
大家都有幾萬票啦，
點知突然間，有一幅作品平地一聲雷，一日得票過十萬而突然帶頭
心諗呢次過癮喇，
會唔會最後埋單計數，頭五位票數總和多過全港電腦總數量架…
翌日，突然爆熱作品不知所踪，
大家都估到乜事，亦由果日開始，
頭幾位每日得票亦大量萎縮...
真係令我好失望，佢地D 支持者去晒邊呀…
頒獎禮當日，我最想見到就係果個人氣大獎得獎者廬山真面目呀