上網無意中知道科學園復活節有節目，仲要係免費，
於是就帶 Bryan 去玩玩。
我哋喺大學站搭巴士去，
見到成架巴士都坐滿人，
都有心理準備排隊會幾甘吓....
入到去第一樣映入眼簾係一個超大銀幕o既賽車遊戲 game，
Bryan 見到就話想玩...
條龍唔算太長，但係每人玩三分鐘都幾係嘢。
為咗更有效率，我另外幫 Bryan 排隊玩一個類似跳彈床遊戲，
玩完啱啱好可以玩賽車game
聚精會神
頭搖又尾擺，飄移境界
玩完拿拿聲去排最想玩o既碰碰車，
去到見到條龍真係想暈
沿用之前策略，媽咪同 Bryan 排吹氣堡壘，
排到咁上下，媽咪同我互換位置排，
等我可以影吓相
呢次玩完吹氣堡壘，都仲要排幾耐吓至玩到碰碰車
呢架黃色戰車壞咗係令排隊時間更長o既原因，
用佢嚟做佈置比人影相留念，都叫做唔好嘥...
呢個氣球公仔幾得意，可以兜頭笠，仲要冇乜人排，影吓相先
本來諗住撤退，點知氣球哥哥提示一陣間有魔術表演，
於是就留低睇埋，
魔術係屬於小兒科，但係一班小朋友就睇得好開心....
仲比我撞番好耐冇見o既朋友，
即時拉埋佢個囡同 Bryan 影番張相
正式散場，我哋去完洗手間準備離去，
人潮都散晒，
點知場內見到之前o既復活兔氣球隨處扔，
相信係工作人員眼見無用冇拎走到，
即叫 Bryan 再笠一次影吓相，
呢張相就係網誌第一張相....
因為冇乜路人，又影埋科學園標誌，
Bryan 就好似外星怪獸闖地球咁
成為我近期幾喜歡o既一張相
