【DAY 5】拜會日本威尼斯 - 伊根

到達天橋立，

好容易就搵到去伊根嘅巴士站

Bryan 手持的就係海之京都wide pass

與及赤松號指定席券

唔使一個鐘到達伊根

 

 

落車先搵經白金秘書預約嘅旅館擺低行李

 

講起伊根旅館，

最有名應算: 鍵屋同藏

都怪我，

之前舉棋不定，

 唔知天橋立搭城崎溫泉定伊根好，

因為估量另外兩位團友會較喜歡溫泉，

先喺 jalan 預約咗喜樂溫泉旅館，

後來愈來愈想去伊根，

團友表示支持，

即想預約鍵屋同藏，

但呢兩間每日招呼一組、最多6位客人

兼且要兩個月前預約嘅旅館已經客滿，

即上伊根町觀光協會 搵旅館，

最後託白金秘書(因找不到官網)預約了

伊根の舟屋　雅（みやび） 

同時亦經白金秘書問明可以喺中午先在旅館寄存行李...

 

 

擺好行李，

見到對面有間食肆，

正好醫肚

 

 

老板 Alex 表示因食材關係，

只剩一款選擇，

老實講，

淨睇個名唔多對我胃口，

誰知食落好美味，讚

 

 

 

Alex 操流利英語，

佢熱心介紹伊根嘅名勝同好去處，

當我問到有冇小童單車借用，

佢隨即打電話比有關人員查詢，

非常好人，

我梗係嚟幅大合照留念啦，

到我哋結帳準備離去，

佢叫我哋等一陣，

話想同我哋影相...

我莫名其妙....又影?

點知...

 

 

 原來 Alex 化身吉祥物同我哋合照留念 XD

感覺 Alex 連靈魂都深愛伊根，

佢多番提醒我佢喺Facebook 開咗 香港 & 伊根交流會

 (註: 台灣的也有)

叫我記得加入，哈哈

各有興趣到伊根嘅朋友支持吓 Alex 啦

伊根未被觀光客攻佔，

寧靜而優美

 

 

感覺心靈給洗滌了

 

 

 我哋目標係去伊根遊覽船，

沿路行不多久就發現免費單車借用處，

當然手快有手慢冇...

Bryan 好想踩，

勉力試踩最後都係因為腳短不得不放棄，嘿嘿

兩輛單車給2位姨媽踩，

我哋一家三口慢慢行去目的地

 

 

人跡罕至啊~~

【待續】