【DAY 3】食到停唔到口‧國產牛放題

搭番去地下鐵難波站，

用Google map 搵國產牛放題 - 道頓堀御堂筋店

到達目的地，

望過對面....

哦，原來係呢度....

呢間分店樓下原來係激安殿堂，

見仲有時間，

即叫團友掃貨，

尤其提醒"白浜組" 買定煙花

旅行前做資料搜集，

想食燒肉放題，

鎖定兩間唔知揀邊間好: 分別係力丸同國產牛放題。

後來有老友大阪旅行試過國產牛放題，

大力推薦，

好! 就揀定佢。

 

聽聞國產牛非常旺場，

 所以搵定白金秘書幫手預約，

旅行前剛好睇到親子王國一條帖子，

有人講去國產牛放題不愉快事件，

大概係八人幫襯只比六人檯，

呢樣冇嚇怕我，

因為睇啲留言似係個樓主有問題 XD

我驚嘅係有人留言搵白金秘書訂11人檯，

去到對方話冇呢個預約.....

 

 

好彩冇事，

順利入座。

 

 

望住個餐牌，

樣樣望落都好食，

所以就樣樣都點，

好食嘅下ROUND 點多碟 XD

 

 

我同姨甥仔都鍾意食牛，

食得好過癮，

飽餐一頓，

最後點埋甜品，完美~

 

 

 

國產牛放題

道頓堀御堂筋店

大阪府大阪市中央区西心斎橋2-5-9 ドン･キホーテ道頓堀御堂筋店10F

 

 

食完望番對面，

發覺未同固力果合照，

影埋先

 

 

【DAY 3完】