作品回顧 の 彩色‧童真

 一直想影色彩繽紛既照片，要諗好colourful 既背景，
第一個就諗起石澳......
不過對我黎講實在太遙遠喇 (後來o係果度完成左彩色‧童真2)。
最後諗起沙田中央公園裡面既遊樂場都色彩斑斕喎，於
是就同我個御用model，即係 Hoyin ，到達沙田完成呢輯作品~

作品回顧 の 我們都是這樣長大的

果陣，聽聞牛下即將遷拆，
於是同班影相朋友商議影輯相紀念下。
主題係童年集體回憶，我地諗好左叫班小朋友
(即係我地班影相爸爸、媽咪既囝囡)著晒懷舊草根衫褲拖鞋，
配合牛下充滿舊日色彩既環境….


08年8月2日，成班家長小朋友浩浩蕩蕩直闖牛下….


呢輯相對我影響好大，原來玩事先有構思、
準備既主題攝影係咁好玩，
完成後既滿足感又好大…..
雖然輯相攝影技巧幼稚，修圖都唔係咁得，
不過D相仍然比我好大感覺。
投稿DCHOME 親子天地，僥倖選為精華
 呢世仔好少野得人認同，所以亦大大加強左我影相既信心  。

Carol & Lai Pre Wedding @迪欣湖

 


寫呢篇網誌時，阿禮同CAROL 已經飛左去渡蜜月。
在此謹祝兩位白頭到老，永結同心。

 

 

 

 

4歲 la ~~ 2.0

時間岩岩好，到達香港迪士尼樂園酒店冇耐就可以入座.....
正如收到風話，果然大部份人黎都係同人慶祝生日既


好肚餓..... 馬上拎野食先......嘩，乜咁難食架


不過唔緊要啦.....
黎呢度都係旨在有卡通人物同hoyin 賀壽o者
話口未完，米妮走過黎同 hoyin 賀壽啦..... 好明顯，
hoyin 有幾分緊張，幾分拘謹



跟住開始進入狀態啦~~



蛋糕黎la..... hoyin 揀左由米奇親自送比佢....


影埋 PIGLET，齊晒數



同媽咪合照下先~~



米妮翻o卓抽 hoyin 水



總括而言，個人認為迪士尼D自助餐好唔得，
不過D 卡通人物又確實令 Hoyin 好 happy，
所以....... 都係值既


下年再黎過...... (或者啦)

4歲la~~~

Hoyin 既生日應該係3月23日，
由於我擔心果日請唔到假，所以要提前慶祝。
3月19日，星期五。Hoyin 要返學，所以我兩公婆請半晝假就OK，
我地大概2點半入到園….. 嘩…. 乜事?? 咁多人既??
基於唔蝕底既心態，先去counter 拎個生日徽章先，
跟住一整日就有好多員工同 hoyin 講生日快樂，氹到佢鬼死咁happy，haha….
即席揮毫，簽番個大名先……. 好肉酸…..

一如既往，周圍影下相…..


Hoyin 好like 既歌舞青春….


又周圍影下....



同媽咪影下合照



呢輯相o係facebook 發表，個個不約而同讚下面呢幅，
不過唔係我影既....


由於book 左八點半食buffet，所以可以睇埋煙花至過去…..

BLUE GUITAR

 
1月16日，同 hoyin 去西貢白腊影主題
事先同o係 X利做既朋友借結他......
咦，點解大過我o係上水分店見到果支既??
(寫呢篇網誌時，剛收到報料，
佢搵到最細支果支結他，可以借比我，哈哈哈)
唔緊要，照去馬!!
我地去白腊，要先去西貢市轉搭的士，
車資一程要一百!! 好貴啊~~
去到目的地，見到目標既白色小貨車啦，
yeah~~  不過正有一班ching 同個美少女影緊沙龍，
我地唯有先去士多食個餐蛋麵，
食完後行去目標地點，果班 ching 仲未影完，
咁大拿拿咁貴車資黎冇理由空手而回家o麻......
我唯有叫hoyin 行埋去搵位影......
好彩班 ching 通情達理，自動閃人讓個位比我地影，
呢輯相至可以順利完成~