慶中秋

中秋節快樂!!

 

中秋佳節，

公司放早兩個鐘。

放工拿拿聲趕返屋企帶 Bryan 出沙田食晚飯兼睇花燈

揀定咗呢間....

一直以為叫火頭山，原來係山頭火至啱

六點半取籌，七點入座

我點咗麵鼓拉麵，味道尚可

呢隻流沙雞蛋要 $12，味道 & 賣相都唔錯

食完拉麵趁史諾比樂園未關門，

就比幾個馬騮去玩直到打烊....

玩完行去中央公園，只見人山人海

人叢中有一對男女似係推廣玩具，

係咁招引小朋友拎上手玩，

佢哋唔係即場擺賣，

只係講我哋知呢個玩具喺玩具反斗城同 7-11 有售

Bryan 玩得輪輪盡盡，最後亂 fing 一通

Bryan 手上反斗車王燈籠早喺一個禮拜前已經一見傾心，

我直到呢一日中午逛灣仔玩具街忍唔到手買比佢，

原來正日買都算尾水，平咗十幾蚊

班馬騮對睇花燈興趣一般，

最後都係放咗佢哋去遊樂場玩

影咗幾張相算係交代 lu



【完】