食完飽飽準備排隊上鴨仔船，
原來同時出發有兩艘船，
一班顯示係5:00pm，一班顯示5:01pm...
但係唔知點解我哋艘船反而係遲開果班
上船時已落大雨，之後直情好似坐咗潛艇咁，
無論陸地定海上乜景都唔多睇到...
Hoyin 果位都漏晒水要坐媽咪大脾，
後排幾個女仔直頭擔遮，勁搞笑
乜都睇唔到鴨仔之旅就咁玩完
落船冇耐，雨勢漸減，
即刻同 Hoyin 影番幾張相
下一站.... Singapore Flyer!
由於夜晚有妝藝大遊行，所以有道路封閉，
要徒步行去 Singapore Flyer，冇得搭免費接駁巴，
好彩都唔係好遠啫
喺摩天輪入口撞到兩個準備巡遊表演白武士，
即刻搵佢哋影相，
之後遊客照辦煮碗，佢哋當堂變咗佈景板
【待續】
沒有留言:
張貼留言