仍未瞓醒 Hoyin，張床夠晒大，啱晒爛瞓佢
因為今日除咗要玩應承咗細路一定要玩旋轉木馬同滑浪飛船外，
我哋仲要一試酒店8月份至開放泳池，
先食個酒店早餐先 ~
曾見網友批評呢度早餐好唔掂，
雖然款式的確係唔多，
不過我認為味道 OK 就可以了，
何況仲有新鮮生果，
或者係我要求唔高啦，haha…
食飽飽去泳池，
去到時得我哋兩家人，
變咗私家泳池，
影吓相都仲得
游完水，
梳洗完又要執行李準備 check out，
喺酒店房影幾張相留念先
去到OP，
第一時間玩旋轉木馬，
等一陣就有得玩喇。
旋轉木馬其實應該叫旋轉海洋生物，員工話 Hoyin 細個要坐雙座位，
不過殺人鯨個外觀都好靚
小朋友們想搭纜車過大樹灣…
直奔另一目標 – 滑浪飛船。
媽咪同姨仔已經率先餚底話唔玩，
但 D 細路就冇有識死堅持話要玩
臨沖落去一刻，
我都有 D 緊張，
驚 Hoyin 會嚇到瀨
臨沖落去一刻，我同 Hoyin 講：沖落去果陣大嗌會好玩D，冇咁驚架…
說時遲那時快，
唔使一秒已經落到底。
Hoyin 擰轉面豎起手指公同我講：
勁刺激！好好玩呀！
之後三個細路就吱吱喳喳講返有幾好玩…
行番幾條長長扶手電梯，
又經過太平洋海岸，
我哋又入去睇吓會唔會撞啱餵食時間，
點知就係咁啱，
仲有一個字就到購買飼料時間，
我哋買咗兩份飼料準備餵海獅，
唔知用乜嘢方法，
一到餵食時間，
就見到三隻海獅游埋嚟張大個口等食嘢，
原來一份飼料得3條魚仔，
三個細路每人可以餵到兩條~
晏晝就喺灣景餐廳解決，
雖然一樣係貴，
不過就好食得多喇。
食飽飽後又繼續逛，
水母館同海洋館當然冇錯過啦，
本來想喺呢個位影下大合照，不過比員工趕...
跟住最後一站係去威威天地比班細路玩低能機動遊戲
小童版跳樓機 Hoyin 都唔驚啦
如果呢架小火車有冷氣一定瞓得著
Hoyin 叫我幫佢影，不過坐低 幾秒即彈起身話辣屁股
玩到五點鐘，
係時候閃啦，
雖然班細路唔願走，
不過要趕搭最尾一班免費接駁車返酒店攞行李…
如果下年仲有類似 package 一定再 join，
因為班細路玩得好開心，
而且下年會有埋冰極天地，
我都想參觀呀
[第二天完]
沒有留言:
張貼留言