【DAY 12】廣島河童壽司

當初擬定嘅行程係吳市> Aeon Mall，
晚餐係去離Aeon Mall不遠嘅河童壽司。

所以我哋要去番今朝嘅地方 (團友們朝早去咗宮島就首次踏足)

河童壽司(かっぱ寿司)分店遍佈全日本，

係好出名嘅連鎖迴轉壽司店

可能時間關係，大把吉位

先嚟一碟，味道好似..

點咗碗湯，鹹到阿媽都唔認得

開始有中伏感覺

試多幾樣，確認同北海道壽司差天共地

望吓個相頭，

其實幾似爭先貨式

不過又咁講，
我諗係唔同分店水準有分別，
事實有個同事幾年前已推介我去試試呢間迴轉壽司，
下次旅行撞啱我都會再試一次😛

食完搭JR返廣島駅...

找亮點

我入完閘都覺得奇怪，
點解顯示板列出係過去咗嘅時間?
後來至知列車有延誤，
等咗十幾分鐘，開始見到有日本人離開，
但要按掣同車站職員對話至開閘放人，
因為我哋唔識日文，
又見到有其他日本人按兵不動就繼續等，
(其實check到行返去大概係3x分鐘，但團友話好攰唔想行 )
等咗一粒鐘後，
Google一下竟然搵到報道，
原來隔離站發生"人身事故"
最後記得好似等咗大概個半鐘至有車

【DAY 12 完】