因為我哋由碼頭行去餐廳時已途經過觀豚嘅辦事處，
所以唔使搵，
拿拿聲就趕到。
去到講幾句就已經搵到我哋預約包船資料 (多謝姨甥仔阿Joe 幫手打電話預約)
先交代番點解要包船，
因為觀豚團係開1:00 pm 開行，
但松島落船已經係11:45am 上下時間，
連埋食晏估計趕唔切時間，
由於我哋一大棚人，
除開每人只係多比幾百 yen 就可以包船出海，
姨甥仔問過，
可以隨我哋幾時開船....
觀豚團係2個鐘的，
因為松島返回三角駅嘅開船時間係3點幾，
時間好緊迫，
換言之，
我哋遲幾耐就少幾多分鐘觀豚，
雖然係可惜啲，
但都冇辦法。
誰知我出示回程船班嘅時間表比職員睇，
佢即刻面有難色。
後來我哋至知，
原來由松島開船去海豚集結嘅地方要45分鐘，
來回就要個半鐘，
我哋遲咗成半個鐘時間就好抆。
我哋示意即刻開船，
希望開快啲睇到幾多得幾多，
咁遠嚟到冇理由空手而回家嘛，係咪?
於是，照出發lu
呢位好和善嘅姐姐用蹩腳嘅英文講解海豚嘅知識比我哋知
行出室外就一定要穿著救生衣，
入到室內自然會除，
因為真係好熱XD
船長發現海豚，
即停船比我哋觀賞
真係好多呀，
可惜佢哋移動太快，
我哋新相機又未熟悉，
影唔到...失敗....
由於要預時間回程，
所以未能多作停留，
但果一刻我真係好興奮...
幫襯咗姐姐買海豚飾物
唔夠喉，
可惜要趕船班，
希望再有機會重來啦
由於時間好緊迫，
我哋問姐姐仔係咪趕得切?
姐姐話ok 冇問題，
跟住船長開聲，
原來佢已經打電話比回程寶島號嘅船長，
叫佢等埋我哋。
咁就放心晒啦~
【待續】
沒有留言:
張貼留言