西貢戶外康樂中心玩玩玩

臨近暑假尾，

同Bryan 最後衝刺去咗幾處地方玩，

呢一日又約咗幾個老表去西貢戶外康樂中心玩。

呢度5月頭都同班朋友仔嚟過，

不過果日發生不愉快事件 -- 我部相機失竊了。

又要報警又剩，冇咗相機又冇晒啲相，

影響晒心情，

最激氣係朋友夜晚翻查錄影片段，

有班年青女子非常可疑，

但之前阿sir 都話，

除非你親眼目擊佢哋行近你嘅相機袋有所動作，

否則人權法好難搜佢哋身，

又有阿sir 話如果個賊醒目啲先收埋部相機，

就搜都搜唔到......

都係唔好提唔開心事，

講番呢次，

因為上次嚟玩落雨關係玩唔到一啲活動，

呢次諗住補數。

點知當日朝又落咗一場雨，

就算後來天色轉好都因為場地濕滑而玩唔到，

結果又係重複上次玩嘅嘢，

不過班細路都好開心

 雞手鴨腳...

上次Bryan 話康樂棋好好玩，

一定要encore

話說我讀書時都好鍾意玩

大人們都技癢都玩吓嘅射箭

略嫌時間真係唔夠，

好快就夠鐘走喇

喺西貢市留影一幅