小腦袋、大發現 ── Children’s Technology Workshop 下集

上個禮拜 Bryan 婆婆慶祝出院，

請大家去荃灣漁屋食日本放題，

班細路就最開心。

食完發覺商場原來搞緊個什麼樹化石展覽，

就同佢哋去睇睇....

Bryan 成個大阿哥咁款 XD

之後去公園玩咗陣就帶 Bryan 同佢表哥去學砌 LEGO，

兩堂共兩個鐘眨眼就過，

兩表兄弟都話好好玩，

見 Bryan 都砌到彈弓臂就知~

無奈呢個課程原價貴咗啲，

如果再有團購優惠之類，

都可以考慮再比佢哋玩過o既 XD

最後同埋導師合照，啲導師睇嚟似 ABC，仲好後生tim

小腦袋、大發現 ── Children’s Technology Workshop

Groupon 有Lego 兒童探索班 o既團購，

Bryan 同佢表哥都表示有興趣，

就同哋買咗優惠券。

話說呢次係我第一次幫襯團購呢。

探索班總共有四堂，據稱原價$1300，

而家兩人一齊報，平均每人只係$148，好似好抵咁....

收到成功購買o既e-mail 已經即時報名，

可惜心儀時間已經full 咗 (咁著數當然多人買，呢點我理解o既)

最後一連報兩日，每次兩個鐘，搞掂 ! XD

 

 可能時間稍早關係 (09:30AM) ，頭一個鐘只係得三個小朋友

連續上兩個鐘，我哋當然呆坐等佢哋啦，

於是就落去食個早餐再行一陣，到咁上下夠鐘就上去接囝。

返到去已經見到 Bryan 有個製成品。

按掣識轉，幾架勢架 XD

比我哋影幾張相後就入去最後衝刺埋尾....

以呢個價錢玩到四堂的確超值，

鼓勵小朋友發揮創意之餘又可以學吓英文，皆因導師用英語授課，

Bryan 都話玩得好開心，

我都會繼續留意Groupon 會唔會再有類似優惠，呵呵~~